Уоруу, киһи доруобуйатын эчэтии…

Ааспыт сууккаҕа өрөспүүбүлүкэҕэ буруйу оҥоруу 10 түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга тутар.

Горнай улууһугар  «Эстибэт күөл»  диэн сиргэ 1986 сыллаах төрүөх эр киһи доруобуйатын ыараханнык эчэтэннэр балыыһаҕа киллэриллибит. Буруйдаах ким буолара быһаарыллыбыт.

Дьокуускай куоракка бэлисипиэти, мопеды уорбуттара билиннэ.  Маны таһынан түөкүннээһиҥҥэ 4 түгэн бэлиэтэннэ. Хоромньу уопсай суумата   3,1 мөл. солк.

Мииринэй оройуонугар сокуону кэһэн наркотигынан эргинии, Дьокуускайга сымыйа докумуону туттуу, арыгы иһэн баран хаттаан уруулга олоруу түбэлтэлэрэ таҕыстылар.

Арыгы иһэн баран уруулга олорбут 14 суоппар тутулунна.