Уорууга уонна өлөрүүгэ соруммут киһиэхэ тэриллибит холуобунай дьыала силиэстийэтэ түмүктэннэ

РФ Силиэстийэлиир кэмитиэтин Дьокуускай куораттааҕы Силиэстийэлиир управлениета 41 саастаах киһиэхэ РФ Холуобунай кодексатын 158 ыстатыйатын 2 чааһын “в” пуунунан (улахан хоромньуну оҥорон оҥоһуллубут уоруу) уонна 105 ыстатыйатын 1 чааһынан (өлөрө сатааһын), 30 ыстатыйатын 3 чааһынан, ст. РФ Холуобунай кодексатын 105 ыстатыйатынан тэриллибит холуобунай дьыала силиэстийэтэ түмүктэннэ.

Силиэстийэ быһаарбытынан, төбөтүнэн ыалдьар эр киһи 2024 сыл бэс ыйыгар Жатай бөһүөлэгин сөтүөлүүр сиригэр арыгылыы сылдьан, ким да көрбөтүн туһанан, дьахтар кыһыл көмүс киэргэлин уорбут. Эр киһи кэлин уоруллубут маллары бэйэтин билэринэн дьаһайбыт.

Ол кэннэ аҕыйах хонон баран, эмиэ бу киһи арыгы иһэн баран атын киһини хаста да быһаҕынан анньан эт-хаан ыарахан эчэйиитин оҥорбут. Бааһырбыт киһи күүскэ утарылаһан, сидьиҥ санаалаах киһи кыайан өлөрбөтөх.

Бастакы силиэстийэ кэмигэр комплекснай судебнай-психологическай уонна психиатрическай эспэртииһэ уйулҕата хамсаабытын уонна оҥорбут быһыыларын өйдөөбөтүн быһаарбыт.

Силиэдэбэтэл кичэллээх, киэҥ өрүттээх үлэни ыытан, холуобунай дьыаланы силиэстийэлээһин түмүктэннэ. Буруйданар эр киһиэхэ суутунан мэдиссиинэ тэрилтэтигэр күһэлэҥ эмтэниигэ ыытарга борокуратуура бигэргэттэ.