Уорууга уорбаланааччыны туттулар

Дьокуускай куорат олохтооҕо суотабай төлөпүөнүн уорбуттарын туһунан Ис дьыала министиэристибэтин 4 нүөмэрдээх полициятын отделын дьуһуурунай чааһыгар сайабылыанньа суруйда.

Кини кэпсээбитинэн,  Жорницкай уулуссаҕа билбэт киһитэ 30 тыһыынча солкуобай суумалаах төлөпүөнүн уорбут. Суһал-ирдиир отдел үлэһиттэрин суһал дьаһалларынан урут сууттана сылдьыбыт 43 саастаах киһи тутулунна.

Төлөпүөнүн уордарбыт киһи  дьүөгэтин кытары Жорницкай уулусса устун хааман истэхтэринэ, кинилэргэ уорбаланааччы эр киһи чугаһаан кэлбит. Эр дьон тыл бырахсыбыттар, ол кэмҥэ куһаҕаны оҥорорго соруммут эр киһи күүһүн туһанан, уол  хармааныттан смартфону сулбу таһыйан баран сүтэн хаалбыт.

Киниэхэ сыһыаннаан РФ Холуобунай кодексатын 161 ыстатыйатын 2 чаааһынан “Халабыр” дьыалаҕа холуобунай дьыала тэрилиннэ. Маннык дьыалаҕа уорбаланааччы 7 сылга диэри көҥүлэ быһыллыан сөп.

“Якутское” ИДьМ МУ пресс-сулууспата