Уорууга уорбаланар эдэр дьоҥҥо холуобунай дьыаланы силиэстийэлээһин түмүктэннэ

Уорууга уорбаланар эдэр дьоҥҥо холуобунай дьыаланы силиэстийэлээһин түмүктэннэ. Икки киһиттэн биирдэстэрэ доруобуйаны соруйан эчэтиигэ буруйданар.

Силиэстийэ быһаарбытынан, буруйданааччылар буруйу оҥорор кэмнэригэр сокуоннай саастарын ситэ иликтэрэ. 2023 сыл сэтинньитигэр Дьокуускай куоракка  түүн 203 микрооройуоҥҥа сылдьан, кинилэртэн биирдэстэрэ сокуоннай сааһын ситэ илик билэр уолун хаста да атаҕынан төбөҕө тэбиэлээбит.
Буруйданааччылар 2024 сыл атырдьах ыйыгар итирик сылдьан ааһан иһэр эдэр дьону хаста да охсуолаабыттар. Биир уолтан төлөпүөнүн былдьаан ылан, баанын каартатыттан харчыны ылбыттар.
Эмсэҕэлээбит уолаттар ис дьыала уорганнарыгар кэлэн тыллааннар, 2 нүөмэрдээх полиция үлэһиттэрэ бурйдаахтары булбуттар.
Холуобунай дьыала суут көрүүтүгэр ыытылынна.