Хаартыска: М.Николаева тиксэриитэ
Тохсунньу 27 күнүттэн «Саха» НКИХ ханаалыгар «Уот Дьулустаан» саҥа сэрийээл саҕаланан, үгүс көрөөччү сэҥээриитин ылла. Оҕолорбут кытта тэҥҥэ көрөр буолбуттара үөрдэр.
Суруйааччы Валентина Гаврильева айымньытынан бу сэрийээли «Саха» НКИХ улахан уопуттаах үлэһиттэрэ: сценарист Катерина Григорьева, режиссер Елена Эверстова саха саарыннарын төрөппүт Таатта улууһугар, Чөркөөх кэрэ айылҕалаах историческай сиригэр устубуттара көрөөччүнү астыннарар. Бу киинэ саха былыргы аас -туор олоҕун, баай-тойон, хотун дьахтар бардамсыйыытын, дьадаҥы эрэйдээх-буруйдаах олоҕун, ону сэргэ былыргы саха балаҕана, иһит-хомуос, аһылык кырыымчыга барыта киинэҕэ көстөрө көрөөччүнү умсугутар.
Бу айымньыны биһиги Ньурбабыт тыйаатыра 1991 сыллаахха туруора сылдьыбыт эбит. Оччотооҕуга эдэр режиссер, билигин тыйаатыр уус-уран салайааччыта, СӨ ускуустубатын үтүөлээх диэйэтэлэ Юрий Макаров саҥалыы көрүүлээх бу драманан 1992 сыллаахха Абакан куоракка ыытыллыбыт Сибиир национальнай тыйаатырдарын II-с бэстибээлигэр кыттан, лауреат үрдүк аатын ылбыт. Бу испэктээккэ Ырыачай оруолун толорбут артыыска Александра Кривогорницына «Бастыҥ дьахтар оруола» ааты, Ньурба тыйаатырыгар саҥалыы таһымнаах, ураты тыыны саҕалаабыт эдэр режиссер Юрий Макаров бэстибээл чаҕылхай арыйыытынан ааттаммыттар.
Саха ааҕааччытыгар суруйааччы Валентина Гаврильева аата кэлиҥҥи сылларга умнулла сыспыта. Бу киинэ көрөөччүгэ тахсан, саха ааҕааччыта суруйааччы айымньытын ааҕарга интэриэһэ биллэ улаатта.
Аны сэрийээлгэ сүрүн оруоллары Аҥаар Харах омсолоох оруолун Ньурба тыйаатырын режиссера Алгыс Макаров, Сүөкүлэ барахсаны СӨ үтүөлээх артыыската, тыйаатыр киэн туттуута Майя Слепцова уо.д.а атын ньурбабыт тыйаатырын артыыстара кыттыылаах көстөрүн көрүөхпүт турдаҕа.
Тус бэйэм Сүөкүлэ ыарахан оруолун табан оонньообут Майя Слепцованы көрөн аһына, долгуйа олорон, билиҥҥи Майя этэҥҥэ сылдьарын санаан, эмиэ да үөрүөх-көтүөх санаам кэлэр.
Айымньыны суруйааччы Валентина Гаврильева «Айар кинигэ кыһатыгар тахсыбыт «Акаары дьахтар» кинигэтиттэн ааҕыахха сөп.
Суруйааччы Валентина Гаврильева саха былыргы ыар олоҕун суруйбута саҥалыы тыыннанан, күөх экраҥҥа тахсыбыта саха көрөөччүтүн долгута туруохтун.
М.НИКОЛАЕВА,
Ньурба, Хаҥалас.
Хаартыскалар ааптар тиксэриилэрэ
Ил Дархан Айсен Николаев Алдан оройуонун баһылыгын Александр Шестопаловы кытта көрүстэ. Кэпсэтии кэмигэр өрүттэр муниципалитет…
Бүтүн Арассыыйатааҕы "Улахан этнографическай дьыктаан" сырдатар аахсыйа сэтинньи 1-8 күннэригэр буолуоҕа. Быйыл онус төгүлүн ыытыллар…
РФ бырабыыталыстыбата Тиксии-Найба агломерациятын социальнай-экэнэмиичэскэй сайдыытын кэлим уһун болдьохтоох былаанын бигэргэттэ. Кэлим былаан биир суолталаах…
Бүгүн хара сарсыардаттан, харахпытын хайа тардыахпытыттан социальнай ситимнэринэн, мессенджеринэн: “Эбээ, эһээ” күнүнэн диэн араас хартыыналары,…
Тэрээһин оҕолор олохторун уонна доруобуйаларын харыстыырга, уустук олохтоох дьиэ кэргэттэри буларга уонна оҕону атаҕастааһын түбэлтэлэрин…
Сэтинньи саҥатыгар бырааһынньык күннэрэ түбэһэллэринэн, оҕо босуобуйалара эрдэ түһүөхтэрэ диэн Социальнай пуонда Саха сиринээҕи салаата…