Хаартыска: Елена Потоцкая.
Бу күннэргэ “Саха” НКИХ көрдөрбүт “Уот Дьулустаан” тэлэсэрийээл артыыстарын кытта көрсүһүүлэр түмүктэннилэр.
25 сэрийээл тухары маннык элбэх кэпсэтии, санаа атастаһыыта, бибилэтиэкэлэргэ ааҕааччылары кытта айымньы ааптара, сценарист бэйэлэринэн кэлэн кэпсэппиттэрэ, сүрүн оруолларга оонньообут артыыстары анаан ыҥыран, атах тэпсэн олорон сэһэргэспиттэрэ суоҕа. Ол эрэ буолуо дуо, сэрийээлгэ табыллыбыт түһүмэхтэри, туга тиийбэтин сиһилии ырыппыттара эмиэ суоҕа.
Биир оннук көрсүһүү Национальнай бибилэтиэкэҕэ буолан ааста. Онно “Уот Дьулустаан” сэрийээли устубут дьону, артыыстары кытта көрсүһүүгэ айымньы ааптара, биллиилээх суруйааччы Валентина Гаврильева кыттыыны ылла.
— Сэрийээли олус сөбүлээтим. Ордук сайыҥҥы айылҕаны устубуттара, алаас көстүүтэ наһаа үчүгэй. Дьоруой уолбут оруолун бэркэ арыйда. Бэйэлэрин сценарийдарыгар эбэн биэрбиттэрэ үгүс, ол киинэни өссө дириҥ хоһооннуур. Мин ааппын сэрийээлгэ киллэрэн үйэтиттилэр, аны бу тэрээһиннэригэр анаан ыҥырдылар. Онон мин тэрийээччилэргэ истиҥ махталбын тиэрдэбин, — диэн Валентина Гаврильева санаатын үллэһиннэ.
“Уот Дьулустаан» биир сүрүн дьоруойа Аҥаар Харах оруолун толорбут Алгыс Макаров кылгастык бэйэтин айар олоҕун билиһиннэрдэ.
— 2007 сыллаахха АГИКИ-ны бүтэрээт, Нерюнгригэ Куукула тыйаатырыгар аҕыс сыл үлэлээбитим. Онтон түөрт сыл Саха тыйаатырыгар үлэлээн баран, Ньурба тыйаатырыгар алта сыл режиссерынан үлэлээбитим. Киинэ эйгэтигэр үлэм 2003 сылтан саҕаламмыта. Хомойуох иһин, миигин хаһан да, алҕас даҕаны үчүгэй оруолларга ыҥырбаттар. Арааһа, сирэйим куһаҕан баҕайы быһылаах. Ол эмиэ да үчүгэй курдук. Ким эрэ маннык характернай оруолу арыйыахтаах буоллаҕа. Билигин нэһилиэктэргэ тиийдэхпинэ, «Һок, тойоммут кэллэ!» дии көрсөллөр”, — диэн туран, бар дьонугар сэрийээли сэргээбиттэригэр барҕа махталын тиэртэ.
“Уот Дьулустаан» сэрийээли ырытыыга элбэх киһи сырытта. Сценарист Катерина Григорьева-Кэрэмэс Сыдьаай “дьон миигиттэн “бу сэрийээл сценарийын салгыы суруй, дьоруойдарыҥ олохторун салҕаа” диэн көрдөһөллөр. Ким билиэй, сэрийээл салгыыта, баҕар, баар буолуо даҕаны”, — диэн бэлиэтээтэ.
Кырдьык, 20 сиэрийэ тухары Ырыачай оҕотунаан Ньукуулуун Уот Дьулустааны кытта хайдах көрсөллөрүн билээри кэтэстибит да этэ! Онон сэрийээлбит салҕанар ини диир буоллахпыт…
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…