Уот кыһыл ат сылыгар туох күүтэрий?

Илиҥҥи халандаар этэринэн, хас биирдии сыл гороскопка баар 12 кыыл салалтатынан ааһар. Үүнүөхтээх 2026 сыл – Уот кыһыл ат сыла. Бу сылга үгүс гороскоп бэлиэлэригэр уларыйыы-тэлэрийии, олохторун суолугар саҥа сүүрээннэр киириэхтэрэ. Ат курдук дохсуннук уонна түргэнник саҕаланыан сөп. Дьон дьылҕата, олоҕо-дьаһаҕа уларыйыан сөп. Ахсым ат сүүрэрин курдук туох барыта ахсымнык саҕаланыаҕа.

Күтэр

(1936, 1948, 1960, 1972, 1984, 1996, 2008, 2020)

Ыҥыыра суох акка көтүтүү курдук сыл саҕаланыаҕа. Барыта олус түргэн тэтимнээх буолуоҕа. Күтэр сыалын ситиһэригэр аты кытта тэҥҥэ түһүнүөн наада курдук буолуоҕа. Ол эрээри, куттаныма, бу барыта саҥаны саҕалыырга, үтүө уларытыылары киллэрэргэ көмө буолуоҕа. Үп-харчы сөбүгэр баар буолуоҕа, саҥа дохуот булунар хайысханы булуоххун сөп. Таптал, тус олох туһугар бэйэҥ эрэ туруулаһаҕын, биир сиргэ олордоххуна туох да кыаллыбата биллэр. Онон хамсаныы, сүүрүү-көтүү, саҥаны саҕалааһын тоҕоостоох буоларын умнума.

Оҕус

(1937, 1949, 1961, 1973, 1985, 1997, 2009, 2021)

Бу сыл эн тулуургун тургутуоҕа. Ол эрээри, саҥа кыахтары арыйарга тоҕоостоох түгэннэри эмиэ бэлэхтиэҕэ. Уот кыһыл ат оҕуһу эмиэ да кыынньаан, сибилигин, тута дьайыы оҥорорго күөртүөҕэ. Онон бу сылы сөпкө туһанан, үгүһү элбэҕи ситиһиэххин сөп. Ыксаллаах, быһымах быһыылары оҥорума. Эккирэтиһии буолбатах, ситиһиигэ сирдиир уһун унньуктаах айан диэн ылыныаххын наада. Тус олоххор эмиэ тургутуу курдук буолуоҕа. Бэйэмсэх буолуу соҕотох хаалыыга тиэрдиэн сөп. Онон чугас дьоҥҥор болҕомто улахан суолталааҕын умнума.

Баабыр

(1938, 1950, 1962, 1974, 1986, 1998, 2010, 2022)

Уһун кэмнээх тохтобул кэнниттэн көбүөргэ күрэхтэһэ тахсар курдук сананыаҥ. Юпитер уонна Уот хамсаныыны эрэннэрэллэр. Онон элбэх саҥа дьыаланы саҕалыыртан толлума. Бэйэҕэр эрэллээхтик саҥа сылы көрсөрүҥ наада. Сыл ортото туох эмит кыаллыбатаҕына, санааны түһэрэр сатаммат. Ити Дьылҕа Хаан тургутуга буоларын умнума. Кыайыы-хотуу судургутук кэлбэт. Онон бу сылга туруоруммут соруктаргын ситиһэргэ дьулус диэн сулустар сүбэлииллэр.

Куобах

(1939, 1951, 1963, 1975, 1987, 1999, 2011, 2023)

Аты кытта сүүрэн күрэстэһэр туһата суох. Ол эрээри, мындыр толкуйгунан аты кытта үтүө сыһыаны олохтуоҥ. Юпитер уонна Венера планеталар сатабыллаах сыһыаны олохтуурга талааны иҥэриэхтэрэ. Тылгар дьону сатаан киллэрэр дьоҕуруҥ сайдыыһы. Эн ситиһииҥ күүскэр буолбатах, сатаан тапсаргар уонна сыһыаны олохтуургар сытарын умнума. Тапталга эмиэ дьикти кэм буолуоҕа. Олоҕуҥ бэйэҥ илиигэр буоларын сыл улахан аҥаарын олорон баран өйдүөҥ. Үлэҕэр-хамнаскар этэҥҥэ, ол эрээри, барытын кыайар-хотор, сатыыр курдук туттаҥҥын, ордук хос эбээһинэһи ылан ноҕуруускаҕын элбэтиэххин сөп.

Дракон

(1940, 1952, 1964, 1976, 1988, 2000, 2012, 2024)

Бу сыл саамай күүстээх сылынан буолуоҕа. Уот уонна төлөн көрсүһэр сыллара. Маны кыайдаххына, тугу санаабыккын ситиһэр кыахтаныаҥ. Аһары бэйэмсэх буолууттан, улаатымсыйыыттан туттунуоххун наада. Ат кинини хамаандалыылларын сөбүлээбэт. Онон аһыыгын, тыҥыраххын арыый хомуна соҕус сылдьыаххын наада. Ол эрээри, бу сыл лиидэрдэри наҕараадалыыр сыл буоларын умнума. Үп-харчы дьыалатыгар аһара ыһа-тоҕу туттума. Улахан былааҥҥын олоххо киллэрэр туһуттан туруулаһыаххын наада. Таптал, тус эйгэ сыһыаннаһыытыгар сымныаххын наада. Уотунан уһаара сырыттаххына, ким чугаһыай? Дьоҥҥо аһаҕас, үөрүнньэҥ буол, оччотугар аттыын доҕордоһуоҥ.

Моҕой

(1929, 1941, 1953, 1965, 1977, 1989, 2001, 2013, 2025)

Олоххор элбэх уларыйыыны ат сыла аҕалыаҕа. Эн олоххо туораттан буолары кэтииргин сөбүлээбэккин, олоххо бэйэҥ орооһоргун сөбүлүүгүн. Хамсааһыны оҥороргун астынаҕын. Бу сыалга бэйэҥ кыаххын туһаныаххын наада. Ат сыла үтүөнэн эйиэхэ эргийиэн баҕарар буоллаххына, быһаарыныылаах буолуоххун наада. Тус олоххор табыллыы күүтэр. Туох барыта бэйэҕиттэн тутулуктаах.

Ат

(1930, 1942, 1954, 1966, 1978, 1990, 2002, 2014, 2026)

Олох тэтимэ эн ахсым айаҥҥынан кэмнэнэр. Эниэргийэҥ, күүһүҥ-кыаҕыҥ элбээбитин билиэҥ. Саҥа соруктары туруоруоҥ, ахсым санаалар киириэхтэрэ. Онуоха Дьылҕа Хаан утары уунар бэлэхтэрин төһө кыаххынан сомсон ыла сатыаххын наада. Тапталга табыллыы, саҥа билсиһии, үп-харчы үрүйэлии устар. Баҕа санааларыҥ олоххо киириэхтэрэ. Онон санаабытыҥ хоту хамсанан ис. Үлэҕэ-хамнаска тахсыы, табыллыы күүтэр. Чугас дьоҥҥун кытта сыһыаҥҥа харыстабыллаах буолуоххун наада. Аҥаардас мин сылым, мин ситиһиим эрэ диэнинэн муҥурданыма. Дьолу эмиэ харыстаатахха, бүөбэйдээтэххэ, үөрүү үөскүүрүн умнума.

Коза

(1943, 1955, 1967, 1979, 1991, 2003, 2015)

Бу сылга аһара сэмэй буолар туһата суох. Урукку сылларга ис кыаххын туһаммакка ночооттоох сылдьыбыт буоллаххына, бу сырыыга хамсанарыҥ наадатын умнума. Талааныҥ аһыллыа, дьону бэйэҕэр тардар дьоҕургун сөпкө туһаныаххын сөп. Үөрэнэн хаалбыт тэтимҥиттэн соһуччу тахсыаҕыҥ. Олоххун тосту уларытыаххын сөп. Бэйэҕэр эрэлиҥ улаатыа. Тыастаах-уустаах сиртэн тэйэ тутун. Чуумпуга эн сааһыланаҕын, чуумпуга баҕа санааларыҥ да чопчуланаллар. Онон кытарчы көр!

Эбисийээнэ

(1944, 1956, 1968, 1980, 1992, 2004, 2016)

Бу сыл өйүҥ-санааҥ сытыырхайыа, сэрэйэн көрөр дьоҕуруҥ да күүһүрүө. Олоххо тэтимнээхтик хамсаныаҥ, саҥа соруктары ситиһиэҥ. Аҕам саастаах чугас дьонуҥ сүбэлэринэн салайтаран элбэҕи ситиһиэххин сөп. Үөрэх, үлэ эйгэтигэр элбэх ситиһии күүтэр. Дьоҥҥо тугу да дакаастаама, чэпчэкитик, судургутук сыһыаннас. Былааҥҥын олоххо киллэрэргэр чугас дьонуҥ өйөбүллэрэ тирэх буолуоҕа. Ол эрээри, арыый сэмэйдик сырыт. Эн сытыы тылыҥ үгүс дьону хомотор, ардыгар өһүргэтэр. Эппитим барыта сөп эрэ диэнинэн муҥурдаммакка, дьону кытта биир хамаанда буоларга дьулус.

Бөтүүк

(1945, 1957, 1969, 1981, 1993, 2005, 2017)

Ат сылыгар биир хаһаайыстыба кыыллара уопсай тылы булуоххут. Ат мээнэ көтүтэр буоллаҕына, бөтүүк айанныыр суолун хайысхатын удумаҕалатар. Бу сылга сөпкө сааһыланнаххына, олоххор үгүһү уларытыаххын, тупсарыаххын сөп. Эн олус бэрээдэктээх, биир тэтими тутуһар ураты хаачыстыбаҥ үлэҕэр көмөлөһүөҕэ. Дьону кытта тапсар туһуттан бэйэҥ эрэ эппиккин өрө тутума. Истиҥ сыһыаны олохтуурга эйигиттэн хорсун, быһаарыныылаах санаа ирдэнэр. Чугас дьону кытта уопсай тылы буларга кыһан. Бу сыл саҥа саҕахтары арыйарга, идиэйэни олоххо киллэрэргэ көмөлөһүө.

Ыт

(1946, 1958, 1970, 1982, 1994, 2006, 2018)

Ат уонна ыт доҕордуулар. Ат сүүрдэҕинэ, ыт хаалбат. Уот күүһэ ыкка күүс-сэниэ эбиэҕэ. Кими эрэ быыһыырга буолбакка, саҥаны тутарга бары күүскүн уурарыҥ наада. Олоҕу судургутук ылынар буолуоҥ, чуумпуга наадыйыаҥ. Үп-харчы дьыалатыгар саҥа хайысхалары тобулуоххун сөп. Ат эйиэхэ үтүө өттүнэн эргийэрин сөпкө туһанан бу сылы бэрт ситиһиилээхтик атаарыаххын сөп. Тус олоххор барыта бэйэҕиттэн тутулуктаах. Дьиэ кэргэҥҥэ барыта эриэ-дэхси. Кыра өйдөспөт түгэннэр умнууга хаалыахтара.

Сибиинньэ

(1947, 1959, 1971, 1983, 1995, 2007, 2019)

Олус элбэх барыылаах-кэлиилээх, түргэн тэтимнээх сыл буолуоҕа. Элбэх уларыйыы-тэлэрийии күүтэр. Кыратык долгуйуох, аһара элбэх хамсаныыттан буккуллуох да курдуккун. Ол эрээри бэйэ бодотун тардынан, санааны сааһыланан сырыттаххына, ат эйигин атаҕастыа суоҕа. Биир хаһаайыстыба кыыллара буоларгыт быһыытынан, бу сылга ат элбэх үтүө өрүтүн көрдөрүөҕэ. Өйүҥ уонна сүрэҕиҥ этиилэрин тэҥҥэ иһит. Тус олоххор аналгын көрсөн, ыал буолуоххун сөп.