Уот ситимин эстакадатын тоҕо көппүт

Бэҕэһээ, кулун тутар 14 күнүгэр, Дьокуускайга  Сэбиэскэй Аармыйа 50 сыла уулуссаҕа, ыарахан уйуктаах массыына уот ситимин эстакадатын  тоҕо көтөн,   куорат сорох оройуоннарын олохтоохторо уота суох олордулар.

Госавтоиниспиэйксийэ иһитиннэрбитинэн, 20:00 чаас саҕана  1987 сыллаах төрүөх  «Фав» таһаҕаһы тиэйэр массыына суоппара Бабушкин уулусса диэки айаннаан иһэн, Сэбиэскэй Аармыйа уулусса  53/1 дьиэтин таһыгар   кузовынан уот ситимин («Водозабор-3») эстакадатын алдьаппыт.

Инньэ гынан,  технологическай кээһэнии тахсан, «Северная» подстанцияттан уотунан туһанааччыларга сорохторугар уот арахсыбыт.