Уота-күөһэ суох хааллаххытына, уу тоҕо бардаҕына
03.01.2024, 18:00
Хаартыска sakha.gov.ru ылылынна
Бөлөххө киир:
ОДьКХ сулууспалара уонна энергетиктэр сайаапкалары суукканы эргиччи ылаллар.
ОДьКХ сулууспалара уонна энергетиктэр үрдүк эппиэтинэстээхтик үлэлииллэр. Ахсынньы 29 күнүттэн тохсунньу 8 күнүгэр диэри тэрилтэлэргэ дьуһуурустубалар олохтоммуттар.
Турба тоҕо бардаҕына, ууну араардахтарына, дьиэ сөрүүкээтэҕинэ (тымныйдаҕына) ханна эрийиэххэ сөбүй
Тымныы уу суох буоллаҕына эбэтэр канализацияҕа кыһалҕа үөскээтэҕинэ, Дьокуусскайга бу боппуруоска «Водоканал» АУо эппиэттиир. «Водоканал» АУо киин диспетчерскэй сулууспаҕа: +7 411 244 91 54 ; 7 411 249 34 04 эрийиҥ. Улуустарга бу боппуруостарынан кэлим дьуһуурунай диспетчерскэй сулууспаҕа (ЕДДС) уонна улуус дьаһалтатыгар эрийэҕит.
Ититии (сылааһы биэрии) эбэтэр сылаас уу боппуруоһунан олорор сиргит УК эрийэҕит. Ону таһынан, Дьокуускайга иһитиннэриини кэлим дьуһуурунай диспетчерскэй сулууспаҕа (ЕДДС): 44-42-29, 44-42-51, 44-45-64 эбэтэр куорат Управатыгар эрийиҥ. Улуустарга эмиэ ЕДДС уонна улуус дьаһалтатыгар.
Уот-күөс араҕыстаҕына
Элбэх кыбартыыралаах дьиэҕэ уот бардаҕына, УК эрийэҕит. СОТ олорор дьон — кэлэктиибинэн сайаапканы биэрэргэ СОТ бэрэссэдээтэлигэр (товарищество бэрэссэдээтэлигэр) сибээскэ тахсаҕыт.
Өскөтүн боруобат быстыбытын, санньылыйан түспүтүн, уот кыламныырын, электрическэй щит алдьамытын уо.д.а. көрдөххүтүнэ, тута: 005, 8(4112) 21-55-68, ону таһынан ЕДДС 8(4112) 44-45-64 нүөмэрдэргэ эрийэҕит.
Маны таһынан сайаапкалары Якутскэнерго контакт-киинигэр 8-800-100-22-05 уонна +7(4112)319-330 нүөмэрдэргэ эрийэн биэрэҕит, эбэтэр телеграмм-бот @Yakutskenergo_ZadaiVopros_bot иһитиннэрии ыытаҕыт, биллэрэҕит.
+1
+1
+1
+1
+1
+1
1
+1
Сообщить об опечатке
Текст, который будет отправлен нашим редакторам: