Уһун Күөлгэ «Аргыс» сынньалаҥ киинигэр 1 Өспөх нэһилиэгин уран тарбахтаах маастара Варвара Петровна Жиркова айар үлэтин көрдөрөр олус үчүгэй быыстапка буолла.
Варвара Петровна өрөспүүбүлүкэтээҕи «Хотун олбох» быыстапка кыайыылааҕа, нэһилиэк, улуус, өрөспүүбүлүкэ быыстапкаларын, маастар-кылаастарын кыттыылааҕа, улуустааҕы кырадаһын кустуга күрэс «Өбүгэ үгэһэ — үйэлэргэ» анал аат хаһаайката, нэһилиэк талба талааннаах иистэнньэҥэ.
«Өбүгэ үгэһин үйэлэргэ утумнаан» быыстапкаҕа улуус уран маастарын үрдүк аатын ылбыт иистэнньэҥ Варвара Петровна илиитин сылааһын иҥэрэн, өр сылларга уустаан-ураннаан тикпит үлэлэрин дьон-сэргэ кэрэхсии, сөҕө, хайгыы көрдө-иһиттэ. Манна кыбытык тигиинэн ат толору симэҕэ, дьахтар оноолоох соно, о.д.а. үлэлэрэ болҕомтону тартылар.
Үөрүүлээх тэрээһини Дүпсүн бочуоттаах олохтооҕо, эдьиийдэрэ Ульяна Ильинична Босикова алгыс тыл этэн, араҥаччылаан арыйда. Салгыы 1 Өспөх баһылыга Михаил Иннокентьевич Домотов, «Аргыс» сынньалаҥ киинэ, «Үһүс саас» түмсүүтэ, «Аал Уот» бэтэрээннэр сэбиэттэрэ, «Кытыл» түөлбэ олохтоохторо, бииргэ үөрэммит үөлээннээхтэрэ, оҕолоро, аймах- билэ дьоно, биир дойдулаахтара тоҕуоруһа мустан эҕэрдэ тылларын эттилэр. Дьоро күн «Үһүс саас» оскуолатын көхтөөх кыттааччылара бэйэлэрэ тикпит киэргэллээх саҕаларын кэтэн бар дьон иннигэр тахсан хааман көрдөрдүлэр, Варвара Петровна сиэннэрэ, аймахтара ыллаан, үҥкүүлээн тэрээһини киэргэттилэр.
Марианна Алексеева
Сардаана Жиркова хаартыскаларга түһэриитэ
Балаҕан ыйын 27 күнүгэр Ил Дархан Айсен Николаев быһа лииньийэни ыытыаҕа. Кини Саха сирин олохтоохторун…
Ньурба улууһугар Марха өрүскэ туристар бөлөхтөрө хаайтарбыттар. Бэһиэ буолан икки мотуордаах оҥочонон айаннаан истэхтэринэ, биир…
Балаҕан ыйын 18 күнүгэр Социальнай пуонда Саха сиринээҕи салаатын килийиэннэрин сулууспаларыгар Биир кэлим босуобуйа күнэ…
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников дойду Бэрэсидьиэнэ Владимир Путин көҕүлээбит “Олох инфраструктурата”…
Бу күннэргэ Арассыыйа Наукаларын академиятын Сибиирдээҕи салаатын Гуманитарнай чинчийиилэр уонна хотугу норуоттар кыһалҕаларын института тэриллибитэ…
“Уһук Илиҥҥи тиэргэннэри тупсаҕай оҥоруу” федеральнай бырайыагынан Саха сиригэр 17 тиэргэни тупсарыахтара. Ол курдук, бу…