Хаартыска: ааптар тиксэриитэ
Улуу Кыайыы 80 сылын уонна Норуот маастарын күнүн көрсө “Уус Алдан уран уустарын түһүлгэтэ” быыстапка-көрүү Олоҥхо дьиэтэ этнокултуура киинигэр ыытылынна.
Тэрээһин аһыллыытыгар Кыайыы ыһыаҕар түһэриллибит кымыс иһиттэрин хаартыскаларын көрдөрдүлэр. Ол курдук, Уус Алдан оройуонугар Кыайыы ыһыаҕа Мүрү алааһыгар уонна Хос үрэххэ 1945 сыллаахха бэс ыйын 20-21 күннэригэр буолбута.
Ыһыаҕы бэлэмнээһиҥҥэ, ыытыыга олус элбэх киһи мустан оонньоон, көрүлээн ааспыта бэлиэтэнэр. Илии-атах оонньуутугар эр киһилиин, дьахтардыын уонна оҕолуун түһүлгэҕэ мустубут дьоннор көхтөөхтүк кыттыбыттар, барыта 670 киһи күрэстэспит. Ат сүүрдүүтүгэр барыта 75 ат, биэ, атыыр сүүрбүт. Кыайыы ыһыаҕын Иркутскайдааҕы киинэ хроникатын устуудьуйата үйэтиппит. Бу туһунан кинигэҕэ сиһилии суруллан турар.
Кымыс иһиттэрин 2014 сыллаахха оҥорбуттар: сири иһити — төрүт үгэһи тутуһан Саха Өрөспүүбүлүкэтин норуотун маастара Колодезникова Екатерина Ивановна, симиири, көҥкөлөйү, кымыс хамсатары, чорооннору, кытаҕы СӨ норуотун маастара Егоров Владимир Прокопьевич, улдьаа хамыйаҕы — Бурцев Мичил Николаевич, СӨ норуотун маастара, тойон айах чороону — Пестряков Евгений Владимирович, СӨ норуот уус уран оҥоһуктарын маастара, үс атахтаах кыра чорооннору — “Чороон уустара” түмсүү
— “Кымыс баҕаҕа” Черноградскай Гаврил Гаврильевич, Уус Алдан улууһун норуотун маастара.
Мотрена Герасимова,
Уус Алдан
Хаартыскалар: ааптар тиксэриилэрэ
Саха сирэ күнүнэн-дьылынан олус уратылааҕынан биллэр, ол инниттэн, сүөһүттэн ылыллар бородууксуйаны элбэтэр бастакы ньыманан төрүөҕү…
Саха сиригэр ааспыт сууккаҕа, муус устар 27 күнүгэр, уон баһаар тахсыбыта регистрацияламмыт. Өлбүт уонна эмсэҕэлээбит…
Өрөспүүбүлүкэ күнүн чэрчитинэн Саха Өрөспүүбүлүкэтин Бырабыытылыстыбатын бэрэссэдээтэлин бастакы солбуйааччы Сергей Местников Таатта улууһугар суолталаах тэрээһиннэргэ…
Ааспыт сууккаҕа Саха сиригэр 7 буруйу оҥоруу тахсыбыта бэлиэтэммит. Киин куоракка икки уоруу тахсыбыт -…
Бу күннэргэ Өймөкөөн улууһун дэлэгээссийэтэ анал байыаннай дьайыыга кытта сылдьар биир дойдулаахтарын кытта көрсө сылдьар.…
Иван Андросов, “Якутпроект” өрөспүүбүлүкэтээҕи бырайыактыыр-чинчийэр институт” ХЭУо дириэктэрдэрин Сэбиэтин бэрэссэдээтэлэ: «Төһө да Саха сириттэн тэйиччи…