Хаартыска: видеоттан скрин
НТВ ханаалга «Чудо» биэриигэ Арассыыйа араас муннуктарыттан тиийбит оҕолор ураты талааннарын көрдөрүөхтэрэ. Саха сириттэн Сунтаар улууһун Элгээйи нэһилиэгэр аатырбыт Борис Николаевич Андреев аатынан Айылҕа түмэлигэр үлэлиир кырачаан экскурсовод, бэрт сэргэхтик көтөрдөр тустарынан кэпсиир Никита Никитин кытынна.
Саҥа биэрии премьерата Арсений Попов ыытааччылаах киэһэ 20.00 чаастан НТВ ханаалга көстүөҕэ. Бу биэриигэ оҕолор күрэхтэспэттэр, кытаанах судьуйалар, кыайтарыы уонна хотторуу хомолтолоро суох ыытыллар. Бырайыакка эдэр кыттааччылар норуокка бэйэлэрин ураты талааннарын, дьоҕурдарын көрдөрөллөр. «Дьиктитэ диэн уол оҕо идэтин хайыы-үйэ талбыт. 11 саастаах Никита Никитин Саха сириттэн сылдьар. Кини көтөрдөр тустарынан барытын билэр уонна айылҕа түмэлигэр экскурсиялары ыытар», — диэн НТВ саайтыгар суруйаллар.
Санаттахха, эдэр эскурсовод уол аан бастаан түмэлгэ 7 сааһыгар үктэммитэ. Оттон кэлин эбэтэ онно үлэлиир буолан, оскуолаттан эрдэ бүттэҕин аайы сылдьар буолбут. Ол кэннэ куйаар ситимигэр араас көтөрдөр саҥаларын үтүктэн 5 сааһыттан Саха сиригэр биллэр орнитолог үөрэҕин уһуйуллааччыта буолан биллибитэ. Элбэх дьону көтөрдөр саҥаларын бу баардыы үтүктэн соһутар, сөхтөрөр айылҕаттан ураты талааннаах ыччат.
Ити курдук, саҥа шоуга 146 оҕо кыттааччы ортотугар, Москваттан, Санкт-Петербургтан, Калининградтан, Краснодартан, Новороссийскайтан, Европаттан, Самараттан, Тулаттан, Томскайтан уонна дойду атын куораттарыттан, Саха сирин биир талааннаах оҕотун көрдөрүөхтэрэ. Ити таһынан «Чудо» бырагыраама сыанатыгар Белоруссияттан, Казахстантан уонна Киргизияттан кэлбит оҕолор тахсыахтара.
Видео ТУСКУ: ТЫА СИРИГЭР ОЛОХ ЧАҔЫЛХАЙ! ханаалыттан
Судаарыстыбаннай Дуума Үпкэ кэмитиэтин баһылыга Анатолий Аксаков нэһилиэнньэҕэ туһаттан тахсыбыт бытархай харчыны оҥорон таһаарыыны тохтоторго…
Арассыыйаҕа оҕо уһуйааннарынан уонна оскуолаларынан саҥа Коксаки вирус тарҕаммыт түбэлтэлэрэ регистрацияланна. Москва уонна Владимирскай уобаластарга,…
Дьокуускайга Норуот сомоҕолоһуутун күнүгэр аналлаах тэрээһиҥҥэ Саха сирин Бырабыыталыстыбатын бэрэссэдээтэлэ Кирилл Бычков алта оскуола үөрэнээччитигэр…
Саха сирин туристарын бөлөҕө историяҕа аан бастакытын Болливуд сулуһа, актер Теджа Саджа оонньуур Индия блокбастерын…
Бүгүн Норуот сомоҕолоһуутун күнүгэр, Фашизмы утары II пуорум чэрчитинэн П.А.Ойуунускай аатынан Саха тыйаатырыгар Норуот сомоҕолоһуутун…
Бу күннэргэ Осетия Владикавказ куоратыгар «Алтын Майдан-Алания» норуоттар икки ардыларынааҕы инклюзивнай бэстибээлгэ Модут нэһилиэгин «Ситим»…