Ураты эйгэлээх сонун быыстапка

Бу ааспыт субуотаҕа “Үлэ кыбартаалыгар”  сонун быыстапка буолан ааста. Кэрэни кэрэхсээччилэр саҥа тахсан эрэр талааннаах кыыс Нюргуяна Пивоварова быыстапкатын кэрэхсээн көрдүлэр. Кини Арктикатааҕы култуура уонна искусство судаарыстыбаннай институтун бүтэрбитэ.

Элбэх киһини тоҕуоруппут дьоһун быыстапкатыгар 40 үлэни туруорбут. Уруучуканан уонна акварелынан графика тиэхиньикэтинэн уруһуйдара көрбүт дьону толкуйдаталлар. Манна баар Япония үһүйээннэринэн уонна номохторунан, саха Олоҥхотунан айыллыбыт хартыыналар киһини атын, ураты эйгэҕэ киллэрэллэр. Ол да иһин, быыстапкалыыр саалаҕа мустубут дьон хас биирдии хартыынаны  сиһилии кэрийэн көрдүлэр.

Эдэр худуоһунньук бу быыстапкатын 30 сааһыгар анаабыт уонна манан айар суолга туруммутун бэлиэтиир.

Хаартыска: Т.Сивцева тиксэрдэ.