Хаартыскаҕа Сайаана Львова түһэриилэрэ
СӨ ситэриилээх былааһын 2022 с. үлэтин отчуотун Үөһээ Бүлүү улууһун Кэнтик нэһилиэгэр түмүктээтэ.
Кэнтик нэһилиэгэ улуус кииниттэ 9 км арҕаа диэки сытар. Нэһилиэнньэтин ахсаана 900-тэн тахса. Кэнтик улууска сэргэх олохтоох, ураты эйгэлээх, туруу үлэһит, түмсүүлээх дьонноох, атыттарга холобур буолар нэһилиэк. Олох кылгас кэм иһигэр, нэһилиэги тупсаран, социальнай эбийиэктэри тутан, нэһилиэнньэтэ 600-тэн 1000-ча кэриҥэ киһиэхэ тиийдэ. Дьон сөбүлээн олохсуйар сирэ буолла.
Кэнтик нэһилиэгин баһылыга Валерий Николаев сүүрэн-көтөн, сатабыллаахтык салайан, социальнай эбийиэктэрин барытын туттаран, дьиэлэри-уоттары гаастаан нэһилиэнньэ олоҕун хаачыстыбатын тупсарары ситистэ. Кини этэринэн, уу, канализация систиэмэтин, былырыын сүрдээх үчүгэй успуорт саалатын киллэрбиттэр. Аны Элбэх функциялаах киини туттарары, уулуссаны сырдатыыны, нэһилиэк иһин аспааллааһыны туруорсаллар. Орто оскуолаҕа 200-чэ оҕо үөрэнэр, уһуйаан биир кэлим ситимҥэ киириэхтээх, онно үбүлээһин оскуола аайы кыаллыбатынан, көмөлөһөллөрүгэр көрдөстүлэр. Итини таһынан учууталлар оҕону, ыччаты булкуйар, социальнай ситимнэргэ тарҕанар иһитиннэриилэри хааччахтыыры туруорустулар.
Үөһээ Бүлүү улуһун уонна Кэнтик нэһилиэгин бочуоттаах олохтооҕо Василий Алексеев улууска бырамыысыланнаһы сайыннарыыны, суотабай сибээһи тупсарыыны туруоруста.
Оскуола дириэктэрэ Владислав Николаевич Семенов кэнники сылларга элбэх киһи олохсуйа кэлэринэн, аны эдэр учуутал кэллэҕинэ олорор дьиэтэ суоҕунан уонна өрөспүүбүлүкэ араас улуустарыттан оҕолор Олоҥхо оскуолатыгар үөрэнэ кэлэллэрин өйөөн, интэринээт-уопсай дьиэ туттарар сөптөөҕүн эттэ.
Бэтэринээр быраастар улууска тиийбэттэрин, хамнастара кыратын, дьиэ-уот суоҕун, сүөһүнү-сылгыны, дьиэ кыылларын эмтииргэ эмп-томп да көрүллүбэтин этиннилэр. Кырдьык, бэтэринээрдэр мэдиссиинэ да, үөрэхтээһин да, ханнык да тус сыаллаах категорияҕа киирбэттэр. Этиллибит кыһалҕаны боротокуолга киллэрэн быһаарыах буоллулар.
Кэнтик дьоһун дьоно өрөспүүбүлүкэ бырабыыталыстыбатын үлэтин туйгунунан сыаналаатылар.
Холбоһуктаах Араб Эмираттарын киин куоратыгар «Успуорду таптааччыларын аһаҕас оонньуулара» (Open Masters Games) түмүктэннэ. Бу оонньуулар…
Быйыл Олоҥхо ыһыаҕа от ыйын 4–5 күннэригэр Кэбээйи нэһилиэгэр ыытыллыаҕа. Бырааһынньыкка бэлэмнэнии номнуо саҕаланна: манна…
Олунньу 14 күнүгэр Кэбээйи сэлиэнньэтигэр Надежда Софронеева кэриэһигэр "Большие танцы" улуустааҕы үҥкүү күрэхтэһиитэ буолла. [gallery…
Бэҕэһээ, Таатта улуһуттан байыаннай дьайыыга кытта сылдьар биһиги буойуннарбытыгар анаммыт көмө Дьокуускай куоракка волонтер Светлана…
Быйыл тохсунньуга хааччах киирбитин кэннэ, Саха сирин маҕаһыыннарыгар 1500 кэриҥэ бобуллубут «Nestle» бородууксуйата булулунна. Уопсайа…
Саха сиригэр «Байыаннай дьайыы туһунан биир хоһоон бэстибээлэ» диэн хоһоон ааҕааччыларын күрэстэрэ ыытыллар. Быйыл дьүүллүүр…