Салгыы
Ураты кэрэ сири-уоту көрүөххүн баҕараҕын дуо?

Ураты кэрэ сири-уоту көрүөххүн баҕараҕын дуо?

Ааптар:
05.04.2024, 19:15
Бөлөххө киир:

Ыам ыйын 1 күнүттэн «Дальний Восток – Земля приключений» Бүтүн Арассыыйатааҕы куонкуруска сайаапкалары ылыы саҕаланар.

Ыам ыйын 1 күнүттэн ахсынньы 30 күнүгэр диэри «Дальний Восток – Земля приключений» ураты айаҥҥа-сырыыга Бүтүн Арассыыйатааҕы куонкурус иккис сезонугар кыттарга сайаапкалары ылыы саҕаланар. Куонкурус РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев көҕүлээһининэн, Уһук Илиҥҥи федеральнай уокурукка РФ бэрэсидьиэнин боломуочуйалаах бэрэстэбиитэлин аппараатын, РФ Уһук Илини сайыннарыы министиэристибэтин, «Уһук Илини уонна Арктиканы сайыннарыы корпорацията» АУо, «Социальнай көҕүлээһиннэри сайыннарыы пуондата» НКО өйөбүллэринэн ыытыллар.

«Уһук Илин олус кырасыабай сир, дойду 40% ылар. Манна тугу барытын көрүөххэ сөп, араас кыылы-сүөлү, үнээйини. Мин иллэҥ кэммин сири-дойдуну көрөргө аныырбын ордоробун, уоппускабар уон сыл устатыгар куруук Уһук Илиҥҥэ кэлэбин. Хомойуох иһин, элбэх киһи биһиги кыраайбытыгар сылдьа илик. Онон куонкурус сүрүн сыала — дьоҥо-сэргэҕэ Уһук Илин ураты кэрэ миэстэлэрин көрдөрүү. Хайдахтаах да киинэлэри устубуттарын иһин, хас биирдии киһи манна сынньана, көрө-истэ сылдьан ис дууһатыттан сөҕөн-махтайан, астынан устубута таһыччы. Маныаха бу көннөрү көрө-истэ сылдьыы буолбатах. Бу киһи дьулуурун, майгытын-сигилитин, сатабылын, туруоруллубут сыалы толоруутун ирдиир айан. Күүлэйдии сылдьан манна байдарканан усталлар, болуотунан айанныыллар, сатыы хаамаллар эбэтэр хайыһарынан сылдьаллар. Баҕар, төрүт да ыты көлүйэн баран айанныахтара. Ол барыта кинилэр сүрэхтэригэр иҥэн хаалыа уонна: «Маны мин кыайа туттум, сатаатым!» диир кыахтаныахтара. Биһиги оннук санаалаах дьону өйүөхпүтүн уонна Уһук Илини сэргиэхтэрин, сэҥээриэхтэрин баҕарабыт. Куонкуруска ыытыллыбыт видеонан устууну көрөн баран манна кэлиэхтэрин баҕарыахтара диэн эрэнэбин», — диир Юрий Трутнев.

Куонкуруска кыттарга Уһук Илиҥҥэ айан-сырыы туһунан кылгас метражтаах киинэ устан дьүүллүүр сүбэ сыанабылыгар ыыталлар. Куонкурус хас да номинациянан ыытыллар:  гран-при (бастыҥ айан-сырыы);  сатыы айан-сырыы (сатыы сылдьыы, айылҕанан бэлэсипиэтинэн айан);  уунан айан (өрүс устун, муоранан устуу, серфинг); кыһыҥҥы айан-сырыы (хайыһарынан айан, ыты көлүйэн баран айан, бэлисипиэтинэн кыһыҥҥы айан, сноубординг).

Куонкуруска уон саастарыттан үөһээ саастаах оҕолор улахан дьон салалтатынан сылдьар буоллахтарына, улахан дьон (саастарыттан тутулуга суох) кыттыахтарын сөп. Бастыҥ видеоматырыйааллары дьүүллүүр сүбэ талар.

Бырайыак саайта: https://путешественникдв.рф

Сиһилии https://www.sakha.gov.ru/news/front/view/id/3393919 манна киирэн көрүөххүтүн сөп.

СӨ Ил Дарханын уонна Бырабыыталыстыбатын пресс-сулууспата

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
22 мая
  • 17°C
  • Ощущается: 15°Влажность: 23% Скорость ветра: 5 м/с

Сообщить об опечатке

Текст, который будет отправлен нашим редакторам: