Бүгүҥҥү күҥҥэ «Ураты оҕо» абилитационнай кииҥҥэ 64 аутизмнаах оҕо анаан дьарыктанар.
Абилитационнай киин үлэтин туһунан дириэктэр Инна Скрябина маннык кэпсиир:
— «Ураты оҕо» абилитационнай киин аутизмнаах уонна психическэй, неврологическай сайдыылара бытаарбыт оҕолордоох төрөппүттэргэ араас көмөнү уонна өйөбүлү оҥорор. Исписэлиистэр быйылгы сылга аутизмнаах оҕолордоох төрөппүттэргэ 1454 тэрээһини ыыттылар. Оҕолор саастарыттан тутулуга суох логопедтары, дефектологтары, психологтары кытта биирдиилээн уонна бөлөҕүнэн дьарыктаналлар. Аутизм эмтэниллибэт, педагогическай дьарык эрэ кыаллар. Быйылгы сылга биһиги маныаха сыһыаннаах 2 бырайыагы үлэлэттибит.
1-кы бырайыак — «ВыРАСтайка» психологогическай, педагогическай устуудьуйа. Бу биэс сыл устата «Норуот бүддьүөтэ — 2022» куонкурс чэрчитинэн ыытыллар бырайыак. Манна оскуолаҕа киириэн иннинэ састаах оҕолору аҕыйах бөлөххө арааран дьарыктыыбыт.
Сүрүн сорук – аутизмнаах оҕону оскуолаҕа киириигэ бэлэмнээһин. Бырайыагы салгыы үлэлэтэргэ, дьарыгы ыытарга киин дьиэтин арыандатын төлөбүрүгэр муниципалитеттан грант көрүллэрэ буоллар диэн баҕалаахпыт.
2-с бырайыак — “Аутизмнаах оҕолору туспа олорорго үөрэтии” грант чэрчитинэн үлэ. Хомойуох иһин, болдьохтоох уонна үбүлээһиҥҥэ хаарчахтаах буолан ыарахаттардаах. Бу бырайыагы СӨ Үлэ уонна социальнай сайдыы министиэристибэтэ өйөөбүтэ. Обургу оҕолор уонна ыччаттар аҕыйах бөлөҕүнэн уһанар мастырыаскайга үлэлииллэр, туспа сылдьан үлэлииргэ үөрэнэллэр.
Сүрүн кыһалҕа – дьарыктанар сир суох. Сыл аайы атын-атын дьиэни куортамныырга күһэллэбит. Киин иһинэн үлэлиир туспа сиргэ аутизмнаах ыччаттар туспа олорон үлэлиир сирдэрин булуохпутун баҕарабыт. 2016 сыллаахха “Дьокуускай куорат” уокуругун салалтатыгар «Снегири» диэн социальнай дэриэбинэни тутаары сир көрдөөн, анал докумуоннары оҥорон туттарбыппыт. Ол эрээри күн бүгүҥҥэ диэри туох да быһаарыы ылылла илик. Бириэмэ баран иһэр, оҕолор улааталлар. 9 сыл устата биһиги аутизмнаах оҕолору кытта үлэлиир исписэлиистэри үөрэттэрдибит.
Кииммитин анал сертифицированнай оборудованиенан хааччыйдыбыт. Араас сэминээрдэри, кэмпириэнсийэлэри тэрийэбит. Хомойуох иһин, аутизмнаах оҕо ахсаана элбээн иһэр. Онон бу маннык киини үлэлэтии – кэм ирдэбилэ.
Бэҕэһээ, ыам ыйын 8 күнүгэр, Дьокуускай куоракка аан бастыкытын ыытыллыбыт "Кыайыы вальсыгар" үгүс киһи үөрэ-көтө…
Дьокуускайга "Өлбөт үйэлээх полк" Бүтүн Арассыыйатааҕы үгэскэ кубулуйбут аахсыйа буолан ааста. Быйыл манна 50 тыһыынчаттан…
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…
80 сыл анараа өттүгэр, ыам ыйын 9, 10 күннэригэр, “Кыым” хаһыакка тугу суруйбуттарай? Бу суруйуулары…
Бу күннэргэ социальнай ситимнэринэн Өлүөнэ кытылын үрдүгэр, Дьоруойдар аллеяларыгар сэрии кэминээҕи таҥастаах эдэркээн кыргыттар, уолаттар…
Бүгүн, ыам ыйын 9 күнүгэр, Аҕа дойду Улуу сэриитигэр Кыайыы 80 сылынан “Өлбөт үйэлээх полк”…