Ураты оҥоһуктарынан сөхтөрөллөр

«Уһук Илиҥҥэ оҥоһулунна» пуорумҥа 50 -ча ураты оҥоһугу туруордулар.

«Витрина креативных продуктов» быыстапка аһылынна. 11 эрэгийиэн урбаанньыта бэйэлэрин бреннэрин көрдөрдүлэр.

«Ах!Декор» керамическай иһити аҕалбыт Ирина Кугай инникитин Саха сиригэр бэйэтин бородууксуйатын аҕалар санаалаах. Магадан уобалаһа таҥаска оҥоһуллубут худуоһунньуктар хартыыналарын аҕалбыт. «Биһиэхэ «Рында» быыстапка киинэ былырыын аһыллыбыта, онно оҕолорго уонна улахан дьоҥҥо муостан кыһыыга маастар-кылаастар ыытыллаллар. Ону тэҥэ туристическай иһитиннэрэр кииммит манна баар, дьоҕус урбааҥҥа көмөлөһөр»,— диэтэ Оксана Чихарева Магадан уобалаһыттан.

Приморскай кыраай стендэтигэр киэргэллэри көрүөххэ сөп. Маргарита Клименко этэринэн, оҥоһуктары оҥороругар фарфору уонна позолотаны туһанар.

Саха сирэ Уһук Илиҥҥэ креативнай экэниэмикэ лиидэрин быһыытынан туора турбата. «Өрөспүүбүлүкэбит истиэндэтигэр бастыҥ хампаанньаларбыт киэргэллэрэ, керамикаттан оҥоһуктар, саха быһатхтара бааллар«,— диэтэ быыстапка куратора Ольга Антипина.

Сиһилии: https://созданонадв.рф/

Анивера Акимова хаартыскаларга түһэриитэ