Урбаан хайысхата сайдар
Ааспыт 2022 сылга урбаан салаатыгар кэккэ ыарахаттары, көстүөхтээх уустук өрүттэри эрдэттэн туоратар миэрэлэр ылыллан, экэнэмиичэскэй балаһыанньа төһө да уустугун үрдүнэн, урбаанньыттар бары салааларга үлэҕэ эппиэттээх сыһыаннара биллэ үрдээтэ.
Дьоҕус биисинэскэ үлэлиир киһи ахсаана 122 тыһыынча киһиэхэ тиийдэ. Бу экэниэмикэ салаатыгар кыттар дьон 26%-на. Бэйэ дьыалатынан дьарыктанар дьон ахсаанынан өрөспүүбүлүкэ Уһук Илин эрэгийиэҥҥэ үс бастыҥ ахсааныгар киирэр.
Саха сиригэр дьоҕус биисинэскэ “креативнай индустрия» диэн өйдөбүл бигэтик өтөн киирдэ. Бүгүҥҥү күҥҥэ креативнай индустрияҕа 45 тыһыынча киһи хабыллан үлэлиир. Бу салааҕа ураты толкуйдаах дьону хабар инниттэн, кинилэр айар дьоҕурдарын сайыннарыыга үгүс өрүттээх үлэ барда.
Ил Дархан Айсен Николаев РФ экэнэмиичэскэй сайдыыга миниистирэ Максим Решетниковы кытта көрсөн, Саха сиригэр туризмы сайыннарыыга дириҥ ис хоһоонноох кэпсэтиини ыытта. Онон гостиницалары тутууга, аэропортары саҥардыыга, турмаршруттар ахсааннарын элбэтиигэ улахан болҕомто ууруллуоҕа. Туризм биир сүрүн хайысхатыгар – ыалдьыттары көрсүүгэ биир кэлим стандарты киллэрии соруга турда.
Сообщить об опечатке
Текст, который будет отправлен нашим редакторам: