Урбаан күнүгэр атыы-эргиэн устуоруйатын туһунан экскурсия буолла

Арассыыйатааҕы Урбаанньыт күнүгэр анаан «Мин биисинэһим» киин “Атыы-эргиэн устуоруйата” экскурсияны тэрийэн ыытта.

Тэрээһиҥҥэ кыттыбыт дьон Дьокуускайга атыы-эргиэн сайдыытын туһунан үгүс кэрэхсэбиллээх чахчылары биллилэр. Экскурсияны анал аттестацияны ааспыт экскурсовод Дмитрий Михайлов ыытта.

Кини Ленин болуоссатыгар турбут атыы-эргиэн киинин, Степной Дума хаһан төрүттэммитин уо.д.а. тиэмэлэри хабан дьон интэриэһин тарта.   Хаҥалас улууһуттан бу экскурсияҕа кыттыбыт Любовь Богданова: “Маннык тэрээһиннэр элбэхтик ыытыллыахтарын наада. Үгүс дьон олохтоох атыыһыттар ааттарын, олохторун-дьаһахтарын, уопсайынан, устуоруйаны билбэттэрэ баар суол”, — диэн санаатын үллэһиннэ.

Сиһилии кэрэхсэбиллээх тэрээһин туһунан бу сигэнэн:  https://xn--14-9kcqjffxnf3b.xn--p1ai/news/tsentr-moj-biznes-provel-ekskursiyu-ko-dnyu-rossijskogo-predprinimatelstva/ билсиэххэ сөп.