Хаартыска уонна видео - Елена Потоцкая
Урбаанньыттар пуорумнарын чэрчитинэн өрөспүүбүлүкэҕэ аан бастаан «Гастрономия тыйаатыра» диэн сонун тэрээһин сүрэхтэннэ.
Манна киин куорат эрэстэрээннэрэ бэйэлэрин шеф-пуобардарын үлэлэрин киэҥ араҥаҕа таһаарар дьоро киэһэлэрэ буолла. Ол курдук, ааттаах-суоллаах «Атласовтар уһаайбалара», «Red&Green», «Муус Хайа», «Седьмое небо», «Аврора», «Орто дойду», «Махтал» эрэстэрээннэр бэйэлэрин фирменнэй бүлүүдэлэрин астаан амсаттылар.
Бу тэрээһиҥҥэ дойду араас эрэгийэннэриттэн кэлбит ыалдьыттар сонун астары амсайан, үрдүк сыанабылы биэрдилэр. Ол курдук, Москваттан кэлбит норуоттар икки ардыларынааҕы биисинэс-тириэньэр Павел Вербняк тэрээһиҥҥэ сылдьан баран санаатын маннык үллэһиннэ:
«Махтал» эрэстэрээн үлэһитэ Егор Семенов пуорум кыттыылаахтарын ыҥыран таһааран, «Алгыстаах чэй» сиэрин-туомун толордо. Ыалдьыттар баҕа санааларын суруйан баран, уокка уматтылар уонна саха итии чэйин иһэ-иһэ баҕа санаалара туоларыгар эрэннилэр.
Гастрономия бэстибээлин арыйыытынан Сунтаар улууһуттан төрүттээх, соторутааҕыта «Муус Хайа» эрэстэрээн шеф-пуобарын таһымыгар үрдээбит Игорь Глухарев буолла. Кини убаһа этин оҕуруот аһын кытта оҥорон күндүлээбитэ — минньигэһиэн!
Эдэр киһи бэйэтин пиирмэннэй туматын — ынах арыытын масленок тэллэйи кытта уратытык булкуйан оҥорбута болҕомто киининэн буолла. Игорь Глухарев тэрээһин туһунан санаатын маннык үллэһиннэ:
«Атласовтар уһаайбалара» эрэстэрээн бастыҥ бренд-шеф асчыта Николай Атласов тоҥ балыгын өрүү бэртээхэйдик кыһан, пиирмэннэй «индигиркатынан» күндүлүүр. Бу да сырыыга оннук буолла.
Бу сааскыттан Арассыыйа эрэгийиэннэригэр ыҥырыылаах асчыт быһыытынан сылдьан, Николай Васильевич бэрт элбэҕи биллэ-көрдө. Ол туһунан кини бэйэтин санаатын маннык үллэһиннэ:
«Саха сирин амтана» гастрономия бэстибээлэ ахсынньыга ыытыллар «Кыһын Саха сириттэн саҕаланар» кыһыҥҥы «событийнай туризм» дэнэр улахан тэрээһин биир саамай киэргэлэ. Бу тэрээһини Саха сирин ресторатордарын салайааччы Татьяна Тымырова тэрийбитэ. Кини көҕүлээһининэн Арассыыйа аатырбыт асчыттара, ресторатордарга сыл аайы кэлэн Саха сирин эрэстэрээннэрин үлэһиттэрин араас кистэлэҥҥэ, ньымаҕа, көрүҥҥэ үөрэтэн бараллар. Ол түмүгэр эрэстэрээннэр үлэлэрэ биллэ тубуста, бары Саха сиригэр оҥоһуллар бородууксуйаны хото туһанар буоллулар, саха национальнай бүлүүдэлэрин эрэстэрээн аайы сакаастыахха сөп. Бу — сүҥкэн ситиһии!
Кэлиҥҥи кэмҥэ Татьяна Тымыроваҕа өйөбүл буолар киһинэн СӨ туризм сайдыытын ааҕыныстыбатын салайааччыта Дмитрий Громов буолла. Кинилэр дойду бастыҥ асчыттарын кытта билсэн, сонунтан сонун сүүрээни олоххо киллэрэллэр. Ол биир туоһута — «Гастрономия тыйаатыра» дьон биһирэбилин ылла. Онон «Саха сирин амтана» гастрономическай бэстибээл чэрчитинэн сыл аайы биирдэ ыытыллар бэртээхэй тэрээһин — «Гастрономия тыйаатыра» эбилиннэ. Саҥаттан саҥа көрүүлээх эдэр асчыттар ааттара ааттана туруо буоллаҕа.
Ол холобурунан «Орто дойду» эрэстэрээн саҥа тахсан эрэр су-шеф пуобара Изабелла Андреева бэйэтэ айбыт «Кэмпиэт иһигэр күөрчэх» бүлүүдэтэ буолла.
Сотору кэминэн «Гастрономия тыйаатыра» силистэнэн-мутуктанан, Саха сиригэр туризмы сайыннарыыга улахан ааттаах-суоллаах бренд буола сайдарыгар тус бэйэм эрэллээхпин!
Анаабыр улууһун олохтооҕо, үс кыыс ийэтэ Изабелла Попова сөбүлүүр идэтин өссө үчүгэйдик сайыннаран, эбии дохуот…
Билигин атыыланар бородуукталарга араас элбэх эбиликтээх буолан, кэлин болҕомто да уурбат курдукпут. Оттон тугу сиирбит…
Вирустаах инфекциялары эмтииргэ антибиотиктары туһаныы чаастатык сыыһа-халты быһаарыныы буолар. Санатар буоллахха, Саха сиригэр микробу утары…
Киһи анаалыс туттаран ханнык битэмиин тиийбэтин бэрэбиэркэлэппэтэх буоллаҕына, анемиялааҕын билимиэн сөп. Ол эрээри миэдиктэр этэллэринэн,…
Мэҥэ Хаҥалас Хаптаҕайыгар өссө биир кэрэ бэлиэ тэрээһин ааста. Саас-сааһынан кэпсээтэххэ, тумус туттар ытык киһибит,…
Саха Өрөспүүбүлүкэтин норуодунай артыыһа Алексей Павлов салайар Үүнэр Көлүөнэ тыйаатыра Михаил Шолохов "Киһи дьылҕата" диэн…