«Урбаанньыт аҕа» бырайыак кыттыылаахтара онлайн-үөрэҕи түмүктээтилэр

Саха сиригэр «Урбаанньыт аҕа» үөрэх онлайн түһүмэҕэ түмүктэннэ.

Аҕалары ый устата «Мой бизнес» киин преподавателлэрэ үөрэттилэр. Бырайыакка сокуоннай саастарын ситэ илик оҕолордоох, бэйэлэрин дьыалаларын арыйыан эбэтэр сайыннарыан баҕалаах аҕалар кытталлар. Онлайн түһүмэххэ  аҕалар үөрэх бырайыагын тутаах бириинсиптэрин кытта билистилэр.

«Кыттааччылар урбаан эйгэтигэр бэйэлэрин билиилэрин тургутан көрдүлэр. Биһиги үгүс интерактивнай сиэссийэлэри уонна бөлөхтөрүнэн дьүүллэһиилэри ыыттыбыт. Саҥа үөрэх кинилэр уопуттарын уонна идиэйэлэрин атастаһалларыгар көмөлөстө дии саныыбын»,-диэн «Мой бизнес» киин преподавателэ, бизнес-тириэньэр Альбина Ершова бэлиэтээтэ.