Урбаанньыт бэйэтин үбүгэр спортбылаһаакка оҥордо

Бу күннэргэ Дьокуускай куорат «Строительнай» уокуругун 17- кыбартаалыгар воркаут-былаһаакка (таһырдьа дьарыктанар дьоҕус былаһаакка)  үөрүүлээх быһыыга-майгыга арылынна.

Кэрэхсэбиллээҕэ баар, спортивнай былаһаакканы урбаанньыт Дмитрий Шестаков бэйэтин үбүнэн оҥордо. Бу иннинэ кини Дзержинскай уулуссаҕа эмиэ спордунан дьарыктанар былаһаакка оҥорбут.

— Куораппытыгар сибиэһэй салгыҥҥа спордунан дьарыктаныан баҕалаах дьоҥҥо маннык дьоҕус былаһааккалар олус наадалар. Кылаабынайа, манна оҕолор уонна ыччаттар тоҕуоруһа мусталлара наада. Өссө биир былаһаакканы эмиэ туруорар былааннаахпын, — диэн  былаанын үллэстэр Дмитрий Шестаков. Бу бэртээхэй сонуну Предпринимательство уонна туризмы сайыннарыы министиэристибэтин телеграм-ханаалыгар суруйдулар.

Маннык ис санааларыттан туһалааҕы, үйэлээҕи оҥорор дьон элбээн истиннэр!