“Урбаанньыт ийэ” федеральнай үөрэтэр бырагыраама эрэгийиэннээҕи түһүмэҕин түмүгэ таҕыста. Кыайыылааҕынан Дьокуускай куораттан бэйэ дьарыктаах Наталья Архипова таҕыста.
Биэс күн устата кыттааччылар бэйэлэрин дьыалаларын аһарга, сайыннарарга наадалаах кэлим билиилэри ыллылар, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Быйыл куонкуруска кыттарга 70-тан тахса сайаапка киирбитэ, олортон хамыыһыйа талан ылбыт 30 киһитэ күрэхтэстилэр. Эспиэрдиир хамыыһыйа быһаарыытынан, 100000 тыһ. солкуобайдаах грааны таҥаһы тигэр уонна “Баал-маскараат” көстүүмнэрин уларсыкка биэрэр бырайыактаах Наталья Архипова ылла.
Кыайыылаах бэлиэтээбитинэн, бу бырагыраама кини урбаана сайдарыгар улахан олугу уурбут.
-“Урбаанньыт ийэ” бырагыраама миэхэ дьиҥнээх бэлэҕинэн буолла. Урбааннарын сайыннарыан баҕарар ийэлэргэ олус наадалаах. “Мин урбааным” кииҥҥэ бэйэлэрин дьыалаларын сайыннарыан баҕалаах дьоҥҥо хайдах саҕалыыры босхо үөрэтэллэрэ олус бэрт. Кырдьыгынан эттэххэ, мин бэйэбин холоон көрөөрү кыттарга сайаапканы биэрбитим, билигин сөптөөх суолунан баран иһэрбин өйдөөтүм.
Бырагыраама миэхэ билиини, сатабылы эрэ буолбакка, бэйэбэр сүрдээх улахан эрэмньини биэрдэ. Мин тэрийээччилэргэ бу кыаҕы биэрбиттэрин иһин олус махтанабын уонна бэйэ дьыалатын сайыннарыан баҕарар ийэлэри бу бырагыраамаҕа кыттан, күүскүтүн холонон көрүҥ диэн ыҥырабын”, — диэн кыайыылаах Наталья Архипова санаатын үллэһиннэ.
Бырагыраама “Дьоҕус, орто урбаан уонна биирдиилээн урбааннаах көҕүлээһини өйөөһүн” национальнай бырайыагынан ыытыллар.
Дьокуускайга балаҕан ыйын 21 күнүгэр "Кросс нации" сүүрүү ыытыллыаҕа. Бу туһунан СӨ физическэй култуураҕа уонна…
СӨ Борокуратууратын дааннайынан, ааспыт сууккаҕа Саха сиригэр 11 буруйу оҥоруу тахсыбыт. Дьокуускайга ювелирнай мастарыскыайы халаан,…
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…