Бу күннэргэ Саха сирин урбаанньыттарын күнүгэр анаммыт пуорум бэрт киэҥ далааһыннаахтык ыытыллан түмүктэннэ.
Быйылгы суолталаах тэрээһиҥҥэ Арассыыйа эрэгийиэннэриттэн бэрт элбэх уопуттаах биисинэс эйгэтин исписэлиистэрэ кэлэн кыттыыны ыллылар, маастар-кылаастары ыыттылар. Ол курдук, «Аччыгый уонна орто биисинэс сайдыыта» национальнай бырайыак чэрчитинэн ыытыллыбыт пуорум 35 былаһааккатыгар 1500 киһи кыттыыны ылла. Москваттан, Калининградтан, Владивостоктан, Самараттан кэлбит спикердэр лиэксийэлэрин, сүбэлэрин үгүс урбаанньыт кэрэхсээн иһиттэ.
Пуорум пленарнай мунньаҕар «Саха сирин бастыҥ табаара» куонкурус кыайыылаахтарын уонна «Улахан дьиэ кэргэн дьоҕус биисинэһи тэриниитэ» бырайыак кыайыылаахтара наҕараадаланнылар.
СӨ Бырабыыталыстыбатын бэрэссэдээтэлин солбуйааччы Георгий Степанов бары тэрээһиннэргэ сылдьан баран, «өрөспүүбүлүкэҕэ аччыгый уонна орто биисинэс сайдыытыгар улахан өйөбүл оҥоһуллар буолан, бу салаа сайдар кэскиллээҕэ харахха быраҕыллар. Бу ситиһии бырабыыталыстыба уонна урбаан эйгэтин үлэһиттэрэ биир хайысханы тутуһан үлэлиирбититтэн саҕыллар, сайдыы түстэнэр. Пуорумҥа этиллибит кэскиллээх санаа, суолталаах кэрэхсэбиллээх этии болҕомтоҕо ылыллан, олоххо киллэрэн, салгыы үгүһү айыахпыт, тутуохпут», — диэн бэлиэтээтэ.
Экэниэмикэ миниистирэ Майя Данилова Саха сирэ Арассыыйа таһымыгар инвестициянан үлэлээһиҥҥэ биэс бастыҥ эрэгийиэн ахсааныгар сылдьарын бэлиэтээтэ. Миниистир кэлиҥҥи кэмҥэ өрөспүүбүлүкэҕэ сонун сүүрээн — олохтоох бородууксуйаны оҥорон таһаарар хаһаайыстыбалары өйүүр инниттэн улуустарынан бу салааны сайыннарыы сирэ-уота тыырыллыбытын иһитиннэрэн туран, инвестиция, нолуок, үп-харчы боппуруостарын сиһилии ырытта.
«Үлэ кыбартаала» креативнай кластерга ыытыллыбыт пуорумҥа урбаанньыттар, туризм, каадыр, үп-харчы боппуруостарын, бэйэ кыаҕын уһугуннаран, кэскиллээх дьыаланы тэринии туһунан сэминээрдэргэ, төгүрүк остуолларга санааларын атастастылар.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…