Урбаанньыт тиэхиньикэ сакаастаары, 3,2 мөл. солк. маппыт…

Дистанционнай түөкүттэр хабаларыгар киирии  түбэлтэтэ күннэтэ тахса турар. Ол курдук, бу күннэргэ Дьокуускай полициятын дьуһуурунай чааһыгар 43 саастаах урбаанньыттан сайабылыанньа киирбит.

Урбаанньыт  анал тиэхиньикэ атыылаһаары, Японияттан массыыналары аҕалар киһи нүөмэрин булан, сибээстэспит.  Ол кэннэ урбааньыкка  сөптөөх тиэхиньикэни талбыттарын кэннэ, массыына аҕалааччы киһи дуогабар оҥорон, харчытын утары көрдөөбүт.   Эр киһи тута  3,2 мөл. солк. ыыппыт уонна хас да ыйы быһа сакаастаабыт тиэхиньикэтин кэтэспит. Хомойуох иһин, урбаанньыт сакааһа кэлбэтэх…