Урбаанньыт-волонтердар холбоһуктара тэрилиннэ

Саха сиригэр  урбаанньыт-волонтердар «Патриот» диэн холбоһуктара тэриллибит.

Салайааччынан Саха сирин атыы-эригэн бырамыысыланнай балаататын чилиэнэ Вячеслав Решке талыллыбыт.

Бу туһунан #МЫВМЕСТЕ Бүтүн Арассыыйатааҕы аахсыйа эрэгийиэннээҕи ыстаабын салайааччыта Айыллаан Винокуров иһитиннэрбит.

«Сүрүн сыал-сорук — байыаннай дьайыыга сылдьар биир дойдулаахтарбытын өйөөһүн. Өрөспүүбүлүкэ бары урбаанньыттара түмсэн байыастарга көмөнү оҥорор соруктаахтар» , — диир кини. Маны сэргэ, Саха сирин волонтердарын лиидэрэ #МЫВМЕСТЕ хамсааһын көхтөөх кыттааччылара сайаапканан байыастар дьиэ кэргэттэригэр түөрт тыһыынчаттан тахса араас хабааннаах көмөнү оҥорбуттаран бэлиэтиир.

СӨ Ил Дарханын уонна Бырабыыталыстыбатын пресс-сулууспата