Урбаанньытар 200 тыһ.солк. ыстарааптаннылар уонна «КАМАЗ» массыынаны былдьаттылар

Булуҥ оройуонун суута 70 саастаах уонна 63 саастаах урбаанньыттары буруйдаахтарынан билиннэ.

Суут быһаарыытынан, буруйдаахтар 2024 сыл тохсунньутуттан олунньуга диэри Быковскай уонна да атын бөһүөлэктэртэн маркировката суох балык бородууксуйатын улахан кээмэйинэн атыыласпыттар.

Балыгы тиэйиини сокуон ирдэбилинэн тэрийэргэ, буруйдаахтартан биирдэстэрэ үһүс сирэйгэ сымыйа бэтэринээр сибидиэтэлистибэтин оҥорон биэрэргэ модьуйбут. Олунньу 14 күнүгэр эр дьон «КАМАЗ» тырааныспарынан балыктарын Тиксии-Дьокуускай хайысханан тиэйэн аҕалбыттар. Сокуоннайа суох тиэйиллиюит балык уопсай суумата 5266641 солк. тэҥнэстэ.

Суут мунньаҕар буруйдаахтар буруйдарын билиннилэр, кэмсиннэллэрин биллэрдилэр. Суут буруйу сымнатан 200 тыһ. солк. суумаҕа ыстарааптаата уонна «КАМАЗ» массыынаны судаарыстыба дохуотугар былдьаата. Суут бириигэбэрэ сокуоннай күүһүгэр киирэ илик.