Урбаанньыттар пуорумҥа түмсүөхтэрэ

Балаҕан ыйын 21 уонна 22 күннэригэр Дьокуускайга  «Мин биисинэһим» урбаанньыттар өрөспүүбүлүкэтээҕи пуорумнара ыытыллыаҕа.   

Суолталаах тэрээһиҥҥэ   ситэриилээх былаас уонна бэйэни салайыныы уорганнара, уопсастыбаннай тэрилтэлэр кыттыыны ылыахтара. Араас төгүрүк остуоллар, маастар-кылаастар, ситиһиилээх, үлэлэрэ түмүктээх урбаанньыттары кытта санаа атастаһыыта буолуоҕа.

Пуорумҥа туризмҥа сыһыаннаах, каадырдары кытта үлэ, үп-харчы боппуруостарын тобулуу, урбаан хайысхатын сайыннарыы, экспорт, бэйэ бородууксуйатын тарҕатыыга үлэ сонун сүүрээннэрэ курдук боппуруостары ырытар былаһааккалар үлэлиэхтэрэ.

Урбаанньыттар пуорумнара  икки сиринэн —«Үлэ кыбартаала» кластерга уонна «Куруһаала» атыы-эргиэн дьиэтигэр ыытыллыахтара.