Урбаанньыттарбыт уолаттарбыт тустарыгар көмөлөһөргө бэлэмнэр

Саха сириттэн төрүттээх, Москваҕа «Азбука Севера» маҕаһыыннар ситимнэрин хаһаайына Данила Козлов туора турбакка, саха волонтердарын кытары госпитальга сытар бааһырбыт байыастарбытыгар ас астаһан көмөлөһөр.

Бу күннэргэ кини Кэбээйи улууһун дьоно-сэргэтэ ыыппыт балыктарын бэйэтин ырысыабынан тууһаан-тумалаан бэлэмнээтэ.

Тууһаммыт олус минньигэс чыыр балыгы нэдиэлэ оптуорунньугар кэлэн ылыахтаахпыт уонна хортуоскалаах, күөх лууктаах аһы тута госпиталларга сытар уолаттарбытыгар тириэрдиэхпит диэн «Саха волонтердара» санааларын үллэстэллэр.

Оччоҕо уолаттарбыт дойдуларыттан кэлбит аһы аһаан, күүс-уох эбинэн туруктара тупсуо, санаалара көтөҕүллүө, доруобуйалара чэбдигириэ.