Быстах хомуурга ыҥырыллыбыт урбаанньыттарга сыһыаннаах чэпчэтиилэри РФ Бырабыыталыстыбата торумнуур. Ону манна ааҕыҥ:
Бырабыыталыстыба Бэрэссэдээтэлэ Михаил Мишустин быстах хомуур чэрчитинэн сулууспаҕа ыҥырыллыбыт урбаанньыттарга хамсаабат баайы-дуолу, сир учаастактарын уонна атын даҕаны федеральнай бас билиини куортамнааһын (аренда) төлөбүрүн болдьоҕун уһатар (отсрочка) туһунан дьаһалга илии баттаата.
Уһатан төлөөһүн сулууспалыыр кэмигэр бэриллэр. Хомуурга ыҥырыллыбыттары сэргэ маннык өйөбүл байыаннай сулууспаны ааһар туһунан хантараак түһэрсибит урбаанньыттарга уонна аармыйа салааларын састаабыгар киирэр баҕа өттүнэн барбыт биисинэһинэн дьарыктанааччыларга сыһыаннаах.
Бу өйөбүлүнэн туһаныахтаах федеральнай баайы-дуолу куортамнааччыларынан биирдэм урбаанньыттар уонна биир киһи тэрилтэни тэрийээччи уонна хампаанньа салайааччыта буолар юридическай сирэйдэр буолуохтарын сөп. Уһатан төлөөһүн федеральнай баай-дуол бары көрүҥнэригэр, ол иһигэр сир учаастактарыгар эмиэ туттуллар. Хомунаалынай төлөбүрдэри маннык уһатан төлөөһүн кэмигэр куортамнаһааччы буолбакка куортамҥа биэрээччи төлүөҕэ.
Маны сэргэ хомуурга хапсыбыт урбаанньыттар федеральнай баайы куортамнааһын дуогабарын ыстарааба суох көтүрүөхтэрин сөп.
РФ Бырабыыталыстыбатын саайтыттан
Хаартыска: тустаах саайтан
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…
Амма улууһун ИДьМ отделениетын үлэһиттэрэ үгэс быһыытынан «Полицейский Дед Мороз» диэн Бүтүн Арассыыйатааҕы аахсыйаҕа кыттыстылар.…