Хаартыска: Людмила Попова.
Быйыл тохсунньуттан Өлүөхүмэ улууһун Урицкай сэлиэнньэтин кулуубугар маскировочнай сиэккэни оҥорон саҕалаабыттар. Бу кылгас кэм иһигэр номнуо алта сиэккэни бэлэмнээн ыыппыттар.
СӨ ситэриилээх былааһын ааспыт сыллааҕын отчуотугар тиийбит бөлөх дьоно отчуокка диэри кылгас бириэмэ баарынан туһанан, сиэккэни өрүүгэ көмөлөһөн аастылар.
“Ыстаап нөҥүө маскировочнай сиэккэ матырыйаалын ылан, быйыл тохсунньуттан саҕалаан эрэбит. Бүгүҥҥү туругунан барыта алта сиэккэни ыыттыбыт. Биир сиэккэбит 17 миэтэрэлээх буолан, улууска киэҥник билиннэ. Атыттар кээмэйдэрэ араас – 3-6 миэтэрэлээхтэр.
Кулууп үлэһиттэрэ уонна нэһилиэк бочуоттаах сынньалаҥҥа олорор дьахталлара кэлэн көмөлөһөллөр. Кэлин туора турбакка, саастаах эр дьон кытта көмөлөһөр буоллулар. Нэһилиэнньэ бириэмэтин болдьоһон, солбуһа сылдьан хас күн ахсын эбиэттэн киэһэ үлэлэригэр курдук кэлэн сиэккэ баайаллар. Аҕыйах кэмтэн бэттэх оскуола лиэнтэни кырыйарга көмөлөһөр”, – диэн кулууп салайааччыта кэпсиир.
Атын нэһилиэктэр бэлэм эриллэ сылдьар матырыйаалы бэйэ оҥоһуу анал станокка уган лиэнтэ быһар эбит буоллахтарына, урицкайдар барытын бэйэлэрэ кыптыыйынан кырыйаллар эбит. Түбүктээх диэбэккэ, тохсунньуттан саҕалаан кыайыы туһа диэн күн бүгүҥҥэ диэри номнуо алта сиэккэни бэлэмнээн ыыппыттар.
Сунтаар улууһун Тойбохой с. фермердэрэ Алексей Сидоров уонна Александр Егоров Тыа хаһаайыстыбатын министиэристибэтин өйөбүлүнэн 500…
Күн уота аҕыйыыр, күн кылгыыр, кириип, сыстыганнаах вирус ыарыытын ахсаана элбиир – кыһын киһиэхэ санаа…
Гектары бас билэллэринэн эрэ муҥурдаммакка, манна биисинэстэрин саҕалаан эрэр дьон элбээтэр элбээн иһэллэр. Нам улууһугар…
Быйыл атырдьах ыйыгар Дьокуускай куоракка СӨ Суруйааччыларын сойууһун чилиэнэ, А.М.Горькай аатынан литература институтун устудьуона Любовь…
Саха сиригэр элбэх кыбартыыралаах дьиэлэр уопсай чаттара МАХ национальнай мессенджергэ көһөн эрэллэр. Хайыы-үйэ 3000-тан тахса…
Дьиэни эбэтэр кыбартыыраны өрөмүөн кэнниттэн дьиҥнээх оранжереяҕа кубулутан, хойуу сибэккилээх үүнээйинэн киэргэтэр кыах идэтийбит флористарга…