Урукку күтүөттэрэ дьиэлэригэр киирбит, арыгылаабыт, халаабыт

Дьокуускайдааҕы полиция дьуһуурунай чааһыгар олохтоох дьахтар хаһаайыстыбаҕа туттар малларын уордарбытын туһунан иһитиннэрбит. Уопсай хоромньу 28 тыһ.солк. тэҥнэспит. Бу туһунан СӨ ИДьМ пресс-сулууспата иһитиннэрэр.

Холуобунай ирдэбил үлэһиттэрэ эрдэ сууттана сылдьыбыт 32 саастаах олохтоох киһи уорбаланарын быһаарбыттар.

Быһаарыллыбытынан, уорбаланааччы эмсэҕэлээччигэ урукку күтүөтүнэн буолар эбит. Дьахтарга хоннороругар көрдөспүтүн быһа гыммакка, чааһынай дьиэтигэр киллэрбит. Үс күн буолан баран дьахтар ыалдьытын билсэ кэлбит. Эр киһи итирик туруктаах олорор эбит, дьахтар кинини дьиэттэн барарыгар эппит. Аныгыс күнүгэр дьахтар от охсор тэрилэ, мотоблога уонна тачката сүппүттэрин билбит. Уорбаланааччы ааһан иһэр киһиэхэ атыылаабыт.

Уоруунан холуобунай дьыала тэрилиннэ.