Урут бииргэ олоро сылдьыбыт дьахтарын кырбаабыт киһиэхэ холуобунай дьыала тэрилиннэ

ИДьМ Дьокуускайдааҕы полициятын 4-с нүөмэрдээх отделыгар эт-хаан эчэйиитин ылбыт уонна тус малын-салын алдьаттарбыт олохтоох дьахтартан сайабылыанньа киирбит.

Полиция учаскуобайа бэрэбиэркэ кэмигэр туһааннаах быһылааҥҥа сыһыаннаах  Чурапчы улууһуттан төрүттээх 28 саастаах уорбаланааччыны туппут.

Ол курдук эр киһи урут бииргэ олоро сылдьыбыт дьахтарыгар кэлбит. Онно эр киһи күнүүлээн, иирсээн тахсан, дьахтары охсуолаабыт уонна соруйан икки суотабай төлөпүөнүн алдьаппыт.

Полиция сотрудниктара эр киһиэхэ КоАП РФ  6.1.1 ыст. («Побои») административнай матырыйаал оҥордулар.

Маны таһынан, полиция 4-с отделын силиэстийэлиир салаата РФ Холуобунай кодексын 167 ыст. 1 ч.  («Умышленные уничтожение или повреждение имущества») холуобунай дьыала тэрийдилэр.