Хаартыска: Андрей Сорокин, СИА.
Ил Дархан Айсен Николаев кулун тутар 3 күнүгэр өрөспүүбүлүкэҕэ бэрээдэги хааччыйары сүрүннүүр мунньаҕы ыытта.
— 2022 сыл түмүгүнэн буруйу хаттаан оҥоруу таһыма намтаабыта бэлиэтэнэр. Урут буруйдаммыт дьон хаттаан буруйу оҥорор түбэлтэлэрэ 7% аҕыйаабыт. Ол эрээри, кэккэ улуустарга бэрээдэги көрүү үлэтин күүһүрдүөххэ наада, — диэн Айсен Николаев эттэ.
Былырыын ахсынньыга Накаастабылы толорор федеральнай сулууспа (УФСИН) 1 №-дээх холуонньатыгар бэрээдэги көннөрөр киин курдук анал учаастак аһыллыбыта. Онно 118 сууттаммыт киһи күһэлэҥ үлэҕэ буруйдарын боруостуур кыахтаахтар. Бу учаастак тэрллибит сыала – сууттаммыт дьон аймахтарыттан тэйбэккэ, үлэлээн-хамсаан, уопсастыбаҕа туһаны аҕалан, буруйдарын боруостуулларын ситиһии.
Ил Дархан 2024 сыл тохсунньутуттан «О пробации в Российской Федерации» диэн 10 №-дээх федеральнай сокуон киирэрин санатта. Пробация диэн – сууттаммыт, хаайыллыбыт, бьосхоломмут, күһэлэҥ үлэҕэ анаммыт дьоҥҥо уопсастыбаҕа бэйэлэрин миэстэлэрин булалларыгар.көмөлөһүү, бырааптарын көмүскээһин.
Айсен Николаев бырабыыталыстыбаҕа бу сокуон олоххо киирэригэр мэхэньиисимнэри оҥорорго уонна «О социальной реабилитации и адаптации лиц, освободившихся из мест лишения свободы» диэн өрөспүүбүлүкэ сокуонугар уларытыылары киллэрэргэ, ылынарга сорудахтаата.
Ил Дархан, бырабыыталыстыба дьаһалтатын пресс-сулууспата.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…