Хаартыскаларга Алексей Слепцов түһэриитэ.
Олунньу 11 күнүгэр Чурапчы улууһугар Болтоҥоҕо норуот айымньытын дьиэтигэр лингвист- учуонай, сахалыы суругу-бичиги төрүттээччи С.А.Новгородов төрөөбүт күнүн чэрчитинэн, РСФСР үтүөлээх, Саха АССР народнай артыыһа В.А.Саввин төрөөбүтэ 115, үгэһит,тылбаасчыт С.А. Саввин-Күн Дьирибинэ төрөөбүтэ 120 сылларын көрсө «Уран тыл» ааҕыы күөн күрэһэ буолла.
Бу ааҕыы быйыл 15-с төгүлүн ыытылынна. Бастаан С.А.Новгородов төрөөбүт алааһыгар Чуораайыттаҕа сырыттылар, киниэхэ анаммыт өйдөбүнньүккэ сибэкки уурдулар.
Куонкурус научнай- практическай кэмпэриэнсийэнэн саҕаланна. Куонкурсааннар дакылаат аахтылар.
Болтоҥоттон Диана Павлова, Хатылыттан Николай Афанасьев, Болтоҥоттон Наталья Слепцова дакылааттара биһирэннилэр.
Хатылы оскуолатын үлэ уруогар учуутала Николай Афанасьев «Үтүө үлэһит аата үйэлэргэ ааттанар» диэн тиэмэҕэ үөрэппит учууталын, РСФСР үтүөлээх учуутала Д.П.Чечебутов туһунан олус иһирэхтик, ылыннарыылаахтык кэпсээтэ.
Уус-уран ааҕыыга Чурапчыттан Варвара Орлова, Болтоҥоттон Сандаара Ефремова бастыҥнарынан ааттаннылар.
Бу ааҕыылары төрүттээбит Николанна Бушуева бэйэтэ олохтообут бирииһин Милана Оконешниковаҕа туттарда.
Куонкурус түмүгүнэн «Кылаан кыайыылааҕынан» Кэнчээри Николаев буолла.
,,Уран тыл» ааҕыы кыттыылаахтара сахаларын тылын үөрэтиигэ, сайдарыгар-үүнэригэр үлэлэһэргэ бигэ быһаарыныылаах тарҕастылар.
Алексей Слепцов,
Чурапчы.
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…
Амма улууһун ИДьМ отделениетын үлэһиттэрэ үгэс быһыытынан «Полицейский Дед Мороз» диэн Бүтүн Арассыыйатааҕы аахсыйаҕа кыттыстылар.…