СИА хаартыската
Ил Дархан Айсен Николаев соторутааҕыта Дьокуускай куоракка 1 №дээх ускуустуба оскуолатын туһунан бырабыыталыстыба чилиэттэрин уонна куорат дьаһалтатын кытары мунньахтаабыта.
Ил Дархан үөрэх тэрилтэтигэр аныгы усулуобуйаны тэрийэргэ, сөптөөх былаһаакканан хааччыйарга соруйбута. Оскуоланы «Бригантина» дьиэтигэр 202 түөлбэҕэ көһөрөр туһунан быһаарыллыбыта.
Оттон бүгүн Любовь Находкина 1 №-дээх оҕо ускуустубатын оскуолатын туһунан Улуус.Медиаҕа санаатын үллэстибит.
—Икки оҕом бу оскуолаҕа үөрэнэр. Баян уонна балалайка кылаастарыгар. Ускуустуба оскуолатын атын сиргэ көһөрөллөрүн туһунан былырыын истибиппит. Биһиги дьиэ кэргэн оскуола бэйэтэ туспа дьиэлэнэриттэн үөрэбит. Тоҕо диэтэххэ, бу иннинээҕи дьиэлэригэр өссө хас да тэрилтэ баара соччо табыгаһа суох курдук этэ. Оскуола дьиэбититтэн ырааҕа син биир уруккубут курдук. Онон оҕолору таһарга кыһалҕа үөскээбэт, — диэбит кини.
1 №-дээх ускуустуба оскуолатын Дьокуускай 202 түөлбэтигэр «Бригантина» дьиэтигэр көһөрөллөрүн туһунан соторутааҕыта биллибитэ. Ил Дархан Айсен Николаев үөрэх эйгэтигэр аныгылыы усулуобуйаны тэрийэргэ, наадалаах былаһаакканан хааччыйар туһунан соругу туруорбута. Кини куорат дьаһалтата бырабыыталыстыбаны кытары кыттыһан, олунньу 10 күнүгэр диэри туһааннаах тэрилтэҕэ өрөмүөнү ыытарга бырайыактыыр-смета докумуонун оҥорорго уонна 2025 сыл бүтүөр диэри бу үлэ барыта ситэриллиэхтээҕин тоһоҕолоон бэлиэтээбитэ. Бу туһунан Улус.Медиа суруллар.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…