Успуорт бэтэрээнэ бэйэтэ көҕүлээн, күрэхтэһии тэрийдэ

Share

Бу күннэргэ Дьокуускайга «Двоеборье» («Икки көрүҥ») диэн ураты спортивнай тэрээһин буолан ааста.

Бастакы күн «Үһүс көлүөнэ оскуолатын»  дьиэтигэр дуобакка, иккис күн «Утум+» тэрилтэ спортивнай саалатыгар остуол тиэнниһигэр 20 киһи күрэхтэстэ. Бу олус интэриэһинэй, дириҥ ис хоһоонноох күрэхтэһиини Сунтаар улууһуттан төрүттээх успуорт бэтэрээнэ, энтузиаст Василий Данилов тэрийэн ыытта. Кэрэхсэбиллээх тэрээһин туһунан Өймөкөөн улууһуттан төрүттээх успуорт бэтэрээнэ, хапсаҕайга успуорт маастара, элбэх ыччаты уһуйбут тириэньэр Василий Винокуров санаатын маннык үллэһиннэ:

Тэрээһин сүрүн сыала-соруга — остуол тиэнниһин уонна дуобаты саха дьоно сөбүлээн  оонньуур успуорт көрүҥнэрин быһыытынан пропагандалааһын, спортсменнар оонньуур таһымнарын үрдэтии, чөл олоххо дьону угуйуу.

Василий Трифонович «ТОП — 10», «Двоеборье»  диэн бырайыактара дьиҥ чахчы ыччат да, сааһырбыт да дьон сэҥээриитин, биһирэбилин ылыахтарын ылаллар.

Бу үтүө дьыаланы өйдөөн, холобур ылан, чуолаан ыччат дьон өссө интэриэһинэй бырайыактары айан таһаарыахтарын сөп. Тэрээһин мустубут дьону олуһун сэргэхситтэ, элбэххэ үөрэттэ, сонун сүүрээннэри тобуларга көҕүлээтэ. Холобура, инникитин бу икки көрүҥҥэ өссө «Дартс» эбэтэр ытыыны эбии киллэрэн, тупсаран биэриэххэ сөп эбит. Спортсменнар дуобат уонна тиэннис бэйэ-бэйэлэригэр олус барсар, сөп түбэсиһэр, киһиттэн өйдүүр дьоҕуру ирдиир көрүҥнэр буолалларын бэлиэтээтилэр. Василий Трифонович бэйэтэ инникитин бу бырайыактарын өссө да сайыннаран, тупсаҕай, табыгастаах гыныан баҕарар.

Кини этэринэн, «күрэхтэһии саамай сүрүнэ – чиэһинэй күрэстэһиигэ кынаттыыр буолуохтаах».

Биллэн турар, биир киһи холугар улахан таһымнаах, икки күннээх күрэхтэһиини  бэйэтин тус кыаҕынан тэрийэрэ чэпчэкитэ суох дьыала. Ол курдук, дьиэни-уоту, кыттар дьону, судьуйалары, бириистэри булуу, наҕараадалары бэлэмнээһин, докумуон толоруута уо.д. а — барыта сыраны-сылбаны, күүһү-уоҕу, ороскуоту, бириэмэни эрэйэр.  Манна барытыгар Василий Трифоновичка саамай чугас дьоно — дьиэ кэргэнэ көмө, өйөбүл, тирэх буолаллара хайҕаллаах суол.  Сынньалаҥ кэмигэр күрэхтэһээччилэр утахпытын ханнара, аһаан үссэнэ сылдьарбытын кытта эрдэттэн толкуйдаан үөртүлэр.

Икки күн устата күрэхтэһиигэ кыттыбыт дьон аатыттан Василий Трифоновичка барҕа махталбытын тиэрдэбит! Эн өссө даҕаны дьоҥҥор-сэргэҕэр үтүө холобур буола сырыт, чөл туруктаах буол! Успуорду таптааҥ, кыайыы өрөгөйүн билиҥ, успуорка бэриниилээх буолуҥ.

Ити курдук, энтузиаст дьон баар буолан маассабай успуорт сайдар, дьон чөл олоххо тардыһар буоллаҕа.

Тамара ВИНОКУРОВА,

Дьокуускай.

What’s your Reaction?
+1
8
+1
0
+1
0
+1
0
+1
0
+1
0
+1
0

Recent Posts

  • Быһылаан
  • Сонуннар

Алдаҥҥа ыттар оҕоҕо саба түстүлэр

Алдан оройуонунааҕы борокуратуура оҕоҕо ыттар саба түспүттэрин туһунан иһитиннэриинэн бэрэбиэркэ ыытар. Бу туһунан СӨ Борокуратуурата…

7 часов ago
  • Сонуннар
  • Сүрүн

Арктикаҕа онус эргиэн-логистика киинэ аһылынна

Бүгүн Муома улууһун Хонуу бөһүөлэгэр үөрүүлээх түгэн тосхойдо. Арктикаҕа онус атыы-эргиэн, логистика киинэ аһылынна. Ил…

7 часов ago
  • Быһылаан
  • Сонуннар

Унитаз суоккатынан оҕотун сирэйин сууралыыр үһү…

Кэбээйи оройуонун борокуратуурата Сангаар бөһүөлэгин олохтооҕор холуобунай дьыаланы тэрийдэ. Ийэ буолуохсут кыра уолун сордуура-муҥнуура биллибит. …

8 часов ago
  • Байыаннай эпэрээссийэ
  • Сонуннар
  • Уопсастыба

«Муус Устар»: Кыттааччылар Дьоруойдары кытта көрүстүлэр

Кулун тутар 19 күнүгэр «МУУС УСТАР» ыччат бэстибээлин чэрчитинэн, "Факел" спортивнай комплекска кыттааччылар Арассыыйа Дьоруойдара…

8 часов ago
  • Сонуннар
  • Уопсастыба
  • Үөрэх

Быйыл алын баал төһөнүй?

Билим уонна үрдүк үөрэх министиэристибэтэ 2025-2026 үөрэх дьылыгар үрдүк үөрэххэ туттарсарга ирдэнэр биир кэлим эксээмэн…

9 часов ago
  • Сонуннар
  • Сүрүн

Муома киин балыыһатыгар Иван Павлов аата иҥэрилиннэ

Ил Дархан Айсен Николаев ыйааҕынан, Муоматааҕы киин балыыһаҕа норуот хаһаайыстыбатын үтүөлээх үлэһитэ, тыа хаһаайыстыбатын уонна…

9 часов ago