Хаартыска уонна видео - Елена Потоцкая
Кэрэ айылҕатынан, ыраас уутунан аатырар Кыыс Аммаҕа Адаптивнай успуорт көрүҥнэрин 14-с спартакиадата түмүктэнэн, 24 улуустан кэлэн кыттыбыт доруобуйаларыгар хааччахтаах дьон дойдуларыгар тиийэн, сынньана олорон, күрэхтэһэ сылдьан көрбөтөх түгэннэрин социальнай ситимнэртэн көрдөөн булан, ааҕар, билсэр кэмнэрэ үүннэ.
Ол иһин анаан мин бу маннык кэмҥэ билиһиннэрээри гыммыт «хаһаастарбын» анаан хостоон билиһиннэрэбин.
Күрэхтэһии кэмигэр араас интэриэһинэй дьону көрүстүм. Биир оннук киһинэн Амма массажиһа Григорий Николаев буолла. Сэмэй бэйэлээх киһи, ыйыттахпына аатын олох эппэт этэ. Күн аайы өрүү үлэлии сылдьар буолар. Биир күн эмиэ олох бокуойа сырыттаҕына көрүстүм. Эмиэ бэйэтин туһунан кэпсээбэтэ, атын дьону ыйан биэрдэ.
Кэлин дьонтон истэн билбитим, Григорий Николаев диэн эбит. Чурапчылары көрдүү бараары турдахпына, Григорий Егорович кимниин эрэ кэпсэтээри, эмиэ чурапчылары ахтан аһарда.
Мин утары ыйан биэрбит стадион ортотугар турар балааккаларыгар тиийдим.
Чурапчы улууһа эмблемэлээх шатерга эмиэ массаас бөҕө буола турар эбит.
Түгэнинэн туһанан, массаастана олорор спортсмены кытта билистим. Чурапчы Дириҥиттэн сылдьар 58 саастаах спорт бэтэрээнэ Максим Алексеев ыччаты түмээри, кинилэргэ холобур буолан, анаан сүүрэ кэлбит.
Максим Максимовиһы кытта кэпсэтэ турдахпына, дьолго, наадыйар дьонум бэйэлэрэ тиийэн кэллилэр. Кэпсэтиибитин баһылыгы социальнай боппуруостарга солбуйааччы Мария Кронникова саҕалаата.
Кэпсэтэ турарбытын ыраахтан көрөн, Григорий Николаев тиийэн кэлэн кыттыста. Григорий Егорович эппит санаата ыллыктаах, дириҥ ис хоһоонноох буолан биэрдэ.
Кэпсэтиибит түмүктэниитигэр улуус баһылыгын солбуйааччы Мария Кронникова кэпсээбит Чурапчы улууһун дьаһалтатыгар адаптивнай успуорт салаатыгар сыратын биэрэн үлэлии сылдьар Иннокентий Матвеевы анаан булан аҕаллылар. Онон чурапчылары кытта салгыы кэпсэтэбит.
Ити курдук, доруобуйаларынан хааччахтаах дьону кытта анаан былааннаахтык үлэлиир Чурапчы улууһун салайааччыларын кытта бэрт дириҥ ис хоһоонноох кэпсэтии таҕыста. Маннык систиэмэлээхтик үлэлиир буолан, «Спортивнай Чурапчы» диэн улуус аата дорҕоонноохтук ааттанар буоллаҕа!
Оҕо эрдэхпиттэн өтөхтөрү кэрийэрбин, былыргылар, иччилэр тустарынан улахан дьон кэпсэтэрин истэрбин наһаа сөбүлүүр этим. Аны…
Санкт-Петербургтан Дьокуускайга көтөн испит сөмөлүөккэ биир пассажир илиигэ тутуллар суумкатыгар угулла сылдьар пауэрбаан умайда. Быһылаан…
Саха сиригэр ааспыт сууккаҕа саҥа ойуур баһаара турбута бэлиэтэммэтэ, умайа турааччылар бары бохсулуннулар диэн иһитиннэрдэ…
Алдан уонна Нерюнгри оройуоннарыгар ардах түһэрэ күүтүллэр, сорох сиринэн этиҥнэниэ, сөкүүндэҕэ 15-20 м түргэннээх тыалырыа.…
Арассыыйа бэрэсидьиэнэ Владимир Путин бэрэссэдээтэллээх Судаарыстыбаннай Сэбиэт Президиумун "Олоххо наадалаах инфраструктураны сайыннарыыга" аналлаах мунньаҕа ыытылынна.…
Ааспыт сууккаҕа өрөспүүбүлүкэҕэ буруйу оҥоруу алта түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай…