Успуорт министиэристибэтэ Уһук Илиҥҥэ успуорду сайыннарыыга туох кыахтар баалларын көрдөрүөҕэ

Илиҥҥи экэнэмиичэскэй пуорум иитинэн ыытыллар «Уһук Илин уулуссалара» быыстапкаҕа РФ Успуорка министиэристибэтэ Уһук Илиҥҥэ успуордунан дьарыктаныыга туох кыахтар баалларын көрдөрүөҕэ. Министиэристибэ «Спорт — норма жизни» уонна «Арена ГТО» диэн икки павильону бэлэмниир.

«Спорт — норма жизни» павильоҥҥа идэтийбит уонна маассабай успуорт тула кэпсэтиилэр тахсыахтара, норуоттар икки ардыларынааҕы сөбүлэҥнэри түһэрсиэхтэрэ. Итиэннэ дьыалабыай сиэссийэлэр, кэмпириэнсийэлэр ыытыллыахтара.

Оттон «Арена ГТО» павильоҥҥа «Игры ГТО» Уһук Илин Куубагын үһүс аһаҕас оонньуулара ыытыллыаҕа. Манна Уһук Илин 11 эрэгийиэниттэн улахан дьон уонна оҕолор хамаандалара күрэхтэһиэхтэрэ.