Успуорт министиэристибэтэ Уһук Илиҥҥэ успуорду сайыннарыыны сырдатыа

Арассыыйа Успуорка министиэристибэтэ Илиҥҥи экэнэмиичэскэй пуорумҥа «Уһук Илин уулуссата» быыстапкаҕа икки павильону арыйыа. Манна «Успуорт — олох нуормата» уонна «ГТО түһүлгэтэ» павильоннарга Уһук Илин успуорду сайыннарыы кыаҕын көрдөрүөхтэрэ.

— Арассыыйа улуу успуорт державатынан буолар. Успуорт — бу ситиһии эрэ туһунан сырдатыы, билии-көрүү буолбакка, киһиэхэ бэйэтигэр болҕомтону туһаайыынан буолар. Саамай сүрүнэ, дьоҥҥо-сэргэҕэ ытыктабыллаах сыһыаннаах буола үүнэн-сайдан тахсарга иитии, — диэн этэр РФ Бырабыыталыстыбатын бэрэссэдээтэлин солбуйааччы — Уһук Илиҥҥи федеральнай уокурукка  РФ бэрэсидьиэнин боломуочуйалаах бэрэстэбиитэлэ Юрий Трутнев.

Манна улахан бырайыактары, успуорт саҥа көрүҥнэрин, үрдүк үөрэх кыһаларын уонна оскуолаларын, бэлэмнэнии кииннэрин туһунан сырдатыахтара. Ону сэргэ, оҕолорго уонна улахан дьоҥҥо «ГТО оонньуулара» Уһук Илин Кубога ыытыллыа.

Илиҥҥи экэнэмиичэскэй пуорум (ВЭФ) балаҕан ыйын 3-6 күннэригэр Владивиостокка Уһук Илиҥҥи федеральнай университет кампуһугар ыытыллыа.