Хаартыска уонна видео - Елена Потоцкая.
Аммаҕа Адаптивнай успуорт көрүҥнэригэр «Дьулуур» 14-с спартакиада түмүктэннэ.
Суолталаах тэрээһин сабыллыан иннинэ СӨ физическэй култуураҕа уонна успуорка миниистирэ Леонид Спиридонов уонна Амма улууһун баһылыга Степан Кузьмин, успуорт миниистирин солбуйааччы Гаврил Мохначевскай, өрөспүүбүлүкэтээҕи адаптивнай спорт киинин салайар Ньургун Иванов, 14-с спартакиада кылаабынай суудьуйата Николай Цыпандин суруналыыстарга пресс-кэмпириэнсийэ тэрийдилэр.
Успуорт миниистирэ адаптивнай успуорт көрүҥнэригэр «Дьулуур» 14-с спартакиада ыытыллыытын туһунан ыйаах ааспыт сылга сэтинньигэ тахсыбытын, аҕыс ый устата эрэ бэлэмнэнэн баран, тэрийээччилэр олус тэрээһиннээх үлэни ыыппыттарын бэлиэтээтэ. Бу иннинэ доруобуйаларынан хааччахтаах дьоҥҥо адаптивнай успуорт көрүҥнэрэ СӨ норуоттарын Спартакиадатын чэрчитигэр киллэриллэн, холбуу ыытыллар уонна сүрүннээн бэстибээл курдук барар буоллаҕына, быйыл олус улахан суолта бэрилиннэ.
Бочуоттаах ыалдьыттар ортолоругар Арассыыйа паралимпийскай кэмитиэтин бэрэсидьиэнин солбуйааччы, паралимпийскай оонньуулар чөмпүйүөннэрэ Иван Потехин, Арассыыйа үтүөлээх тириэньэрэ, сүһүөхтэригэр кэһиллиилээх дьон ортотугар остуол тенниһигэр тириэньэр Дмитрий Созонов, спорт бу көрүҥэр Арассыыйа сүүмэрдэммит хамаандатын ыстаарсай тириэньэрэ Максим Слаботчуков кыттыыны ылан, Саха сиригэр ыытыллыбыт адаптивнай успуорт спартакиадата Арассыыйатааҕы таһымнанна. Биллэн турар, улахан солололоох успуорт исписэлиистэрэ ыалдьыт эрэ быһыытынан буолбакка, тэрээһини анаан кэлэн үөрэтэн, харахтарынан көрөн бардылар, үрдүк сыанабылы биэрдилэр. Онон доруобуйаларыгар хааччахтаах дьоҥҥо салгыы федеральнай таһымҥа улахан болҕомто ууруллара саарбахтаммат.
Саха сириттэн паралимпиецтар уонна сурдоолимпиецтар Анастасия Диодорова, Степанида Артахинова, Алена Дмитриева, Владимир Балынец, Василий Стрекаловскай тус тириэньэрдэрин кытта спартакиада ис хоһоонугар сонун сүүрээннэри киллэрдилэр. Ол курдук, кинилэртэн үгүстэрэ оскуола оҕолоругар, ыччаттарга маастар-кылаастары, анал уруоктары биэрдилэр.
Миниистир адаптивнай успуорт көрүҥнэригэр «Дьулуур» 14-с спартакиада олус үрдүк таһымҥа ааһыытыгар сынньанары, олорору билбэккэ, суолталаах тэрээһин кыттааччыларын кытта тэҥҥэ сүүрэ-көтө, уста, хаартыскаҕа түһэрэ сылдьан, бу тэрээһини толору сырдаппыт суруналыыстар сүҥкэн оруолларын бэлиэтээтэ уонна истиҥ махталын тиэртэ. Ыытыллыбыт үлэни барытын бэлиэтээн туран, ылыммыт сорук туолбутун туһунан успуорт миниистирэ Леонид Спиридонов бэркэ астынан бэлиэтээтэ.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…