Хаартыска: СИА
Успуорт уопсастыбаннаһа ХХ үйэ улуу тириэньэрэ Дмитрий Коркин аатынан норуоттар икки ардыларынааҕы турнир иннинэ үтүө өйдөбүлүн чиэстээтилэр.
Тэрээһиҥҥэ өрөспүүбүлүкэ успуорка салалтата, тас дойдулар уонна эрэгийиэннээҥҕи хамаандалар бэрэстэбиитэллэрэ, ону тэҥэ Саха АССР, ССРС уонна РСФСР үтүөлээх тириэньэрин иитиллээччилэрэ кыттыыннылар.
Саха сирин Бырабыыталыстыбатын бэрэссэдээтэлин солбуйааччы Сергей Местников улуу тириэньэр үтүө өйдүбүлүгэр сыл ахсын улахан тэрээһиннэр ыытыллалларын эттэ: киинэлэр уһуллуннулар, кинигэлэр бэчээттэннилэр, норуоттар икки ардыларынааҕы турнир, кэмпириэнсийэ ыытыллаллар, испэктээк туруорулунна.
«Триумф»киинэ премьерата буолла. Киинэ олоххо буолбут түгэннэргэ олоҕурар. Төһө да икки чаас устата көстөрүн иһин, киһи биир тыынынан көрөр. Киинэ көмөтүнэн биһиги ыччаппыт Дмитрий Коркин олоҕун, улуу ситиһиилэрин уонна биһиги олимпиецтарбыт туһунан билэллэр», — диэн Сергей Местников бэлиэтээтэ.
Олимпийскай чөмпүйүөн Павел Пинигин санаатынан, Дмитрий Коркин өрөспүүбүлүкэҕэ көҥүл тустууну эрэ сайыннарбатаҕа, кини дьыалата билигин да тыыннаах — кини кэриэһигэр ыытыллар турнир аан дойду, Европа уонна Олимпийскай оонньуулар чөмпүйүөннэрин үүннэриэҕэ.
«Эһиги ортоҕутугар мин өрүү Олимпийскай чөмпүйүөннэр бааллар диибин. Барыта эһигиттэн тутулуктаах. «Триумф» киинэ ону барытын дакаастыыр, эһиги ону ырытан көрүөхтээххит уонна өйдүөх тустааххыт. Биһиги талааннаах режиссердарбыт бэрт сөпкө уонна кырдьыктаахтык киинэни оҥорбуттар. Биһиги Александр Ивановтыын олус сөбүлээтибит», — диэтэ Павел Пинигин.
Маны сэргэ Физкултуураҕа уонна успуорка миниистирин бастакы солбуйааччы Гаврил Мохначевскай, Саха сирин хамаандаларын успуорка бэлэмниир өрөспүүбүлүкэтээҕи киин дириэктэрэ Михаил Пахомов, Олимпийскай резервэ училищетын дириэктэрэ Семен Чердонов, турнир кылаабынай судьуйата Алексей Базулин, Олимпийскай оонньуулар үрүҥ көмүс призера Александр Иванов, Үтүө дьулуур оонньууларын кыайыылааҕа Василий Гоголев, Сурдлимпиада оонньууларын кыайыылаҕа Василий Стрекаловскай уо.д.а. кытыннылар.
Дьокуускайга Дмитрий Коркин аатынан норуоттар икки ардыларынааҕы күрэхтэһии алтынньы 19 күнүттэн саҕаланар. Көбүөргэ аан дойду 13 дойдутуттан бөҕөстөр тахсыахтара. Уон ыйааһыҥҥа чөмпүйүөннэр уонна призердар киирсиэхтэрэ.
Саха ыалын сиэрэ-туома. Оҕолоноору сылдьар дьахтар тугу билиэхтээҕий, тутһуохтааҕый? Бу туһунан истибиккит, билэҕит дуо? Төрүүр…
Дьокуускайга «Гражданскай уопсастыба: Кыайыы туһугар сомоҕолоһуу» диэн суолталаах пуорум балаҕан ыйын 9-10 күннэригэр ыытыллаары турар. Манна…
Саха сирин тирэх пууннарын үлэһиттэрэ нэдиэлэ устата 18 сырыыны оҥордулар. Ол түмүгэр Саха сириттэн сылдьар…
Дьокуускайдааҕы кадеттар оскуолаларыгар "Юнармия" ыччат, оҕолор байыаннай-патриотическай хамсааһыннарын сүлүөтэ саҕаланна. Сүлүөккэ Алдан, Амма, Бүлүү, Мэҥэ…
Усуйаана улууһун Силээннээх национальнай нэһилиэгэр (Сайылык сэл.) балаҕан ыйын 14 күнүгэр нэһилиэк баһылыгын быыбара буолуохтаах.…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…