Устудьуон орто үөрэх кэнниттэн үрдүк үөрэххэ үөрэнэр буоллаҕына, ыҥырыллар дуо?

Быстах хомуур туһунан үгүс ыйытыыларга Объясняем.рф саайт быһаарар.

• Өскөтүн  устудьуон орто анал үөрэх бырагырааматынан үөрэнэн баран, билигин үрдүк үөрэх кыһатыгар киирбит буоллаҕына, киниэхэ сулууспаттан тохтотон эрии (отсрочка) көрүллэр дуо?

Оннук, көрүллэр. Арассыыйа бэрэсидьиэнин 2022 сыл балаҕан ыйын 24 күнүнээҕи 664 №-дээх ыйааҕынан, күнүскү уонна күнүскү-кэтэхтэн көрүҥҥэ үрдүк үөрэххэ бастакыларын үөрэнэ сылдьар устудьуоннар быстах хомуурга ыҥырыллыылара уһаан биэрэр. Үрдүк үөрэх кыһата судаарыстыбаннай аккредитацияны ааспыт уонна судаарыстыбаннай үөрэх тэрилтэтэ буолуохтаах. Онон орто үөрэҕи бүтэрбит устудьуон бастакы үрдүк үөрэҕэр үөрэнэр буоллаҕына, быстах хомуурга ыҥырыллыбат.

• Устудьуон  үрдүк үөрэххэ үөрэнэ сылдьыбыт, онтон ханнык эрэ биричиинэнэн тохтуу сылдьан баран, ол үөрэҕэр хос киирбит буоллаҕына, ыҥырыллыан сөп дуо?

Өскөтүн устудьуон үрдүк үөрэх кыһатыгар урут үөрэнэ сылдьан баран, хос киирбит (восстановился) буоллаҕына, бу үөрэҕэ бастакы курдук ааҕыллар.

• Кыраныысса таһыгар пааспардары биэриини тохтотуохтара дуо?

Быстах хомуур кэмигэр Арассыыйаҕа кыраныысса таһыгар тахсар пааспардары биэриини тохтотуохтара суоҕа. Ол эрээри, гражданин байыаннай сулууспаҕа ыҥырыллыбыт, эбэтэр бэбиэскэни (быстах хомуурга, эбэтэр, аармыйаҕа ыҥырыыга) туппут буоллаҕына, киниэхэ кыраныысса таһыгар тахсар пааспары биэриигэ аккаастыыллар. Киниэхэ тоҕо аккаастаабыттарын, болдьоҕун уонна кыраныысса таһыгар тахсар быраабын хааччахтаабыт тэрилтэ толору аатын, аадырыһын ыйан туран, иһитиннэрии туттарыллар.