Хаартыска: ааптар тиксэриитэ
Харбалаахтааҕы үөрэхтээһин холбоһугун лиссиэйигэр Устудьуон күнүн бэлиэтиир олус үчүгэй тэрээһин буолла. Онно оскуола үрдүкү кылааһын үөрэнээччилэрин ыҥыран сырытыннардылар.
Куратордар, маастардар, салайааччылар бэлэмнэнэн кэлбиттэрэ, лиссиэй устудьуоннара бары түмсүбүттэрэ олус үчүгэйдик көһүннэ. Биир саалаҕа билиҥҥи уонна урукку устудьуоннар (куратордар, маастардар), сотору оскуоланы бүтэрэн устудьуон буолуохтаах үөрэнээччилэр, бары биир тэҥ саастаахтар курдук, араас оонньуулары оонньоотубут, күллүбүт-үөрдүбүт. Хардарыта эҕэрдэ нүөмэрдэри көрдөрдүбүт. Ким да олорон хаалбакка, бары көхтөөхтүк кыттыбыппыт наһаа үчүгэй.
Устудьуоннары үөрэтэр преподавателлэр көрдөөх устудьуоннаабыт кэмнэрин ахтан-санаан ааспыттара истиҥник иһилиннэ.
Бу тэрээһинтэн хас биирдии киһиэхэ устудьуоннаабыт кэмэ саамай умнуллубат, кэрэ кэмэ эбит диэн үтүө өйдөбүллээх тарҕастыбыт. Маннык сэргэх тэрээһини бэлэхтээбит лиссиэй иитэр үлэҕэ дириэктэри солбуйааччытыгар Елена Васильевна Малышеваҕа махтанабыт.
Эмилия ФЕДОРОВА, Харбалаахтааҕы үөрэхтээһин холбоһугун 10 кылааһын үөрэнээччитэ
Үөһээ Бүлүү улууһун Хомустаах сэлиэнньэтигэр саҥа искибиэр үөрүүлээх быһыыга-майгыга аһылынна. Бу РФ Бэрэсидьиэнэ Владимир Путин…
2022 сыллаахха оҥоһуллубут Саха сиригэр саҥа көлүөнэ «Экстра Синема» киинэ ситимэ өрөспүүбүлүкэҕэ креативнай индустриялар уларыйыыларын…
«Сулустаах» түөлбэ аттыгар саҥа үөрэх дьылын саҕаланыытыгар 990 миэстэлээх 40-с нүөмэрдээх орто оскуола аһыллыаҕа. Аныгылыы…
Владивосток куората «Саха сирин тимир суоллара» акционернай хампаанньа Куубагын иһин мас-рестлиҥҥэ аан дойдутааҕы турниры ыытарга…
Дьокуускайга Сэбиэскэй Аармыйа 50 сыла уулуссаҕа айан-сырыыны хааччахтыыр туһунан иһитиннэрдилэр. Уулуссаны сабыы нэдиэлэттэн ордук кэмҥэ…
Өрөспүүбүлүкэ үгүс мэдиссиинэ тэрилтэлэрэ холбоммут ТГ-ханаалга анал чаттарыгар бүгүҥҥү күҥҥэ 936 киһи тус ыйытыылардаах таҕыста.…