Устудьуон сымыйа аттестаты туһаммытынан сууттаныа
28.05.2025, 11:30

СИА хаартыската
Бөлөххө киир:
Дьокуускайдааҕы тырааныспар борокуратуурата киин куорат олохтооҕо холуобунай дьыалатын силиэстийэлээһинин түмүктээтэ. Буруйданааччы үөрэх эйгэтигэр сымыйа докумуону туһаммытынан буруйданар.
Дьыала матырыйаалларынан быһаарыллыбытынан, 2024 сыл от ыйыгар буруйдаах куйаар ситимигэр орто уопсай үөрэхтээһин туһунан сымыйа аттестаты атыыласпыт. Эмиэ ити сыл атырдьах ыйыгар Дьокуускайдааҕы авиационнай тэхиниичэскэй училищеҕа үөрэххэ туттарсан киирэргэ сымыйа докумуону ситиһиилээхтик туһаммыт.
Уорбаланааччы биир сылга болдьоххо көҥүлэ быһыллыан сөп. Холуобунай дьыаланы суут көрүүтүгэр ыыттылар, диэн Тырааныспар борокуратууратын пресс-сулууспата иһитиннэрэр.
Сообщить об опечатке
Текст, который будет отправлен нашим редакторам: