Устудьуон уолаттар бэстилиэтинэн куттаан, харчы ирдээбиттэр

Дьокуускайга полиция 1-кы №-дээх отделын дьуһуурунай чааһыгар эр киһини бэстилиэтинэн куттаан, харчытын ирдээн ылбыттарын туһунан сайабылыанньа киирбит. Бу туһунан СӨ ИДьМ пресс-сулууспата иһитиннэрэр.

Холуобунай ирдэбил үлэһиттэрэ уорбаланааччылары быһаарбыттар. Бу — 19-20 саастаах үс устудьуон уол.

Быһаарыллыбытынан, эмсэҕэлээччи урут сылдьыбыт кыыһа билэр дьонугар кини кырбыырын, иэһин төннөрбөтөҕүн туһунан үҥсэргээбит. Ол кэнниттэн уорбаланааччылартан биирдэстэрэ эмсэҕэлээччи массыынатын атыылыырын туһунан биллэрии таһаарбытын көрөн, көрсөргө санаммыт. Көрсүһүүнү Билибин уулуссатыгар баар олорор дьиэ аттыгар анаабыт. Эмсэҕэлээччи массыынатын көрдөрө тиийбитигэр, уолаттар пневматическай бэстилиэтинэн куттаан харчы көрдөөбүттэр. Эмсэҕэлээччи куттанан, бу дьоҥҥо тус харчытыттан уонна кирэдьиит ылан, 70 тыһ.солк. биэрбит.

Ороспуонньуктааһынынан холуобунай дьыала тэрилиннэ.