Устудьуоннар этэрээттэрин сайыҥҥы үлэлэрэ

Быйыл сайын устудьуоннар этэрээттэригэр биэс тыһыынча байыас үлэлиир. 

Бу рекорд диэн бэлиэтэнэн турар. Үлэлэрэ сааскы халаан содулун туоратыыттан саҕаламмыт. Ол курдук, Нам, Өлүөхүмэ улууһугар барыта биэс уон устудьуон үлэлээбит. Улуустарга тупсарыы, өрө тардыы, үүнээйини көрүү-харайыы, о.д.а. үлэҕэ сылдьаллар. Дьокуускайга күһүн кэлэн олоруохтаах Сэргэлээх уопсайдарын өрөмүөннүүллэр. Өрөспүүбүлүкэ таһыгар баран эмиэ көхтөөхтүк үлэлииллэр. Ол курдук, Татарстаҥҥа «КАМАЗ» ПАУо хампаанньаҕа, Камчаткаҕа, Сахалиҥҥа үлэлии сылдьаллар. Устудьуоннар этэрээттэрэ «Азия оҕолоро» ыытыллар кэмигэр, бэйэлэрин өттүлэриттэн эмиэ биир сүрүн көмөлөһөөччүнэн буолбуттара бэлиэтэммитэ.

Онон устудьуоннар сайын ханна да сүрүн көмөлөһөөччүлэринэн буолаллара саарбахтаммат.

Манна даҕатан эттэххэ, 2024 сылга устудьуоннар этэрээттэрэ тэриллибитэ 65 үбүлүөйдээх сыла.

СӨ Ил Дарханын уонна Бырабыыталыстыбатын пресс-сулууспата