Устудьуоннар халаан уутуттан эмсэҕэлээбиттэргэ көмө оҥордулар

Бу күннэргэ И.Е.Винокуров аатынан педагогическай кэллиэс (дириэктэр Е.В Никитина) уонна Намнааҕы тиэхиньикум (дириэктэр Нь.М.Жирков) устудьуоннара бу саас халаан уутуттан эмсэҕэлээбит Модут нэһилиэгин икки ыалыгар, Граф Биэрэгэр биир ыалга сылдьан көмөлөстүлэр.

Улуус дьаһалтатын дьиэ кэргэн уонна ыччат бэлиитикэтин отделын  испиэлииһэ Алина Неустроева этэринэн, ыччаттар маладьыастар, ис дууһаларыттан кыһаллан, күүс-көмө буолан көмө оҥордулар. «Эдэр дьон инники күөҥҥэ сылдьан, олоххо көхтөөх буолуулара, ханнык да үлэттэн толлубакка ылсан үлэлииллэрэ, дьоҥҥо көмөлөрө инники олохторугар туһалаах буолара саарбаҕа суох», — диир Алина Неустроева. Бу  туһунан «Нам улууһа» МТ пресс — сулууспата иһитиннэрэр.