Бырамыысыланнаска быраактыкаламмыт устудьуоннар кэпсииллэр

Share

Саха сиригэр ыччат бырамыысыланнас эйгэтигэр хото үөрэнэр уонна үлэлиир. ХИФУ устудьуоннара быраактыкаларын сайын  бырамыысыланнас тэрилтэлэригэр ааһаллар. Иркутскайдааҕы ньиэп хампаанньатын бырактыкааннара санааларын үллэһиннилэр. Хампаанньа бэйэтин үлэтин Иркутскайга, Усть Кутка, Красноярскайга, Мииринэйгэ уонна Ленскэйгэ тэрийэн ыытар.

Уолаттар бары ХИФУ геолого-разведочнай факультетын устудьуоннара буолаллар.

Дмитрий Яицкай, 5-c куурус устудьуона, ИНК-сервис 4-с разрядтаах бурильщик көмөлөһөөччүтэ:

— Аан бастаан маннык улахан хампаанньаҕа быраактыкаҕын ааһаҕын диэбиттэригэр испэр олус долгуйбутум уонна үөрбүтүм.  Бу бэйэм эрэ иннибэр буолбакка, кафедрам, үөрэҕим кыһатын иннигэр улахан эппиэтинэһи сүгэрбин өйдөөбүтүм. Быраактыкабар биһиги сири үүттээһининэн, саҥа скважина забуркатыгар, обсадной холуонналары сиэмэннээһиҥҥэ уонна да атын үлэлэргэ сылдьыбытым. Бииргэ үлэлспит биригээдэбин кытта билигин да ситиммин быспакка билсэ олоробун. Бииргэ үлэлээбит, алтыспыт дьонум сүбэлээн-амалаан көмөлөспүттэрин күндүтүк саныыбын. Инникитин мин үрдүк таһымнаах үлэһит буоларга талаһабын, үөрэхпэр кыһаллабын, лиэксийэлэри көтүппэккэ истэбин, саҥа билиини ыларга дьулуһабын. Онон инникитин мин Иркутскайдааҕы ньиэп хампаанньатыгар үлэлиир былааннаахпын.

Аркадий Яковлев, 5-c куурус устудьуона (ИНК-Сервис буровигын көмөлөһөөччүтэ):

— Маҥнай мин быраактыкабын бу хампаанньаҕа былырыын ньиэп уонна гаас хостооһунун операторынан Марковскай гаастаах сиригэр ааспытым. Ол саҕана бу сирбитигэр пуондабыт Яракта курдук улахан буолбатах буолан, оператордар иккиэ эрэ этибит, үлэбит өрүү элбэх этэ. ИНК бэйэтэ туспа суоллаах хампаанньа. Мин инникитин манна үлэлиэхпин баҕарабын. Салайааччыбыт, 28-c биригээдэм дьоно-сэргэтэ ыйан-кэрдэн, үөрэтэн-такайан кэлбиттэригэр махталым муҥура суох. Быйыл хампаанньа иһинээҕи баар ИНК-Сервис тэрилтэтигэр саҥа BentekHR 5000 диэн буровой установкаҕа үлэлээммин астынным аҕай.

Валентин Егоров, ХИФУ 4-c кууруһун устудьуона, (Ньиэп уонна гаас туһаныллар уонна разведочнай скважинатын буурдааччытын көмөлөһөөччүтэ) :

— Быраактыкам Большетирскай гаастаах сиригэр ааспыта. Эрдэ ИНК туһунан истэр этим. Бастакы быраактыкабын ньиэп уонна гаас хостооһунун операторынан Яракта диэн гаастаах сиргэ ааспытым. Степан Любицкай диэн буровой маастарым миигин элбэххэ үөрэппитэ. Мин үөрэхпин бүтэрэн бу тэрилтэҕэ үлэлии кэлиэхпин баҕарабын.

Павел Ядреев, ХИФУ 5-c кууруһун устудьуона (ИНК-Сервис 4 -с разрядтаах бурильщик көмөлөһөөччүтэ):

— Бу хампаанньа туһунан эрдэ онно быраактыкаламмыт уолаттартан истэр этим. Кинилэр кэпсээннэрэ миигин көҕүлээбитэ. Быраактыкабын манна ааспыппын олох кэмсиммэппин. ИНК диэн 16 тыһыынча кэриҥэ элбэх үлэһиттээх улахан хампаанньа буолар. Буровой установка, оҥорон таһаарыы улахана барыта биир ситим буолан тигинэччи үлэлии турара сөхтөрөр. Инниктин манна үлэлиэм диэн бигэ эрэллээхпин.

What’s your Reaction?
+1
3
+1
0
+1
0
+1
0
+1
0
+1
0
+1
0

Recent Posts

  • Култуура
  • Сонуннар

Улан ураты туругу бэлэхтээтэ

Муус устар 3 күнүгэр «Сэргэлээх уоттара» култуура киинигэр Василена Шарина-Улан «Турук» диэн бастакы моно-перфоманс кэнсиэрэ…

5 часов ago
  • Быһылаан
  • Сонуннар
  • Уопсастыба

Полицейскайдар биэнсийэлээх харчытын уорбут 18 саастаах уолу туттулар

Быйыл кулун тутар ыйга полицияҕа Дьокуускай куорат 77 саастаах олохтооҕо түөкүттэр сиэртибэлэрэ буолбутун уонна мөлүйүөн…

5 часов ago
  • Сонуннар
  • Уопсастыба

Дойдутун, норуотун туһугар (Гавриил Чиряев төрөөбүтэ 100 сылыгар)

Ханнык баҕарар дойдуга кыратыттан, улаханыттан тутулуга суох, төрөөбүт-үөскээбит сирин дьонун-сэргэтин дириҥ ытыктабылларын ылбыт, киэн туттуулара…

5 часов ago
  • Сонуннар
  • Спорт

Оскуола спартакиадатын финала Дьокуускайга бэс ыйыгар ыытыллыаҕа

Бэс ыйын 4-8 күннэригэр Дьокуускайга «Спортивные якутяне» Саха сирин үөрэнээччилэрин спартакиадатын финальнай түһүмэҕэ ыытыллыаҕа. Бэлэмнэнии…

5 часов ago
  • Сонуннар
  • Уопсастыба

ОМОН «Бизон» этэрээт тэриллибит күнүгэр үрдүк наҕараадалар туттарылыннылар

Росгвардия территориальнай управлениетын ОМОН баазатыгар «Бизон» этэрээт тэриллиитин күнүгэр үөрүүлээх тэрээһин буолан ааста. «Бизон байыастарын…

6 часов ago
  • Сонуннар
  • Хаартыска/Видео

«Сэмсэ тыл»: Трамп тоҕо түһээнин үрдэтэрий, тоҕо ороскуотун аҕыйата сатыырый?

Ис-тас атыы-эргиэн арыта аһара баран, аны дуоллар тиһигэ туллаҥнаан Эмиэрикэлэр экэнэмиэкэлэрин "эргичитэллэр".  

6 часов ago