Устудьуоннар ортолоругар Арассыыйа чөмпүйэнээтигэр Саха сирин сүүмэрдэммит хамаандата түөрт боруонса мэтээли ылла

Саха сирин көҥүл тустууга сүүмэрдэммит хамаандата устудьуоннарга Арассыыйа чөмпүйэнээтин түөрт боруонса мэтээллээх түмүктээтэ. Пьедестал үһүс үктэлигэр биһиги бөҕөстөрбүт Любомир Шеин, Алексей Антипин, Олег Фомин унна Харысхан Баппаҕай таҕыстылар.

«Триумф» пресс-сулууспата иһитиннэриитинэн, быйылгы чөмпүйэнээт кыттыылаахтара үрдүк конкуренцияны аастылар. Бастакы киирсиилэр түмүгүнэн биһиги спортсменнарбыт боруонса финалыгар таҕыстылар.

57 кг диэри ыйааһыннаахтарга спортсменнар барыта икки боруонса мэтээли ылары ситистилэр. Любомир Ашеин сытыы киирсиигэ 5:3 ахсаанынан Бурятияттан Арассыыйа чөмпүйэнээтин призерун Жаргал Баяндуевы кыайда. Оттон Алексей Антипин (9:4) Хотугу Осетияттан — Аланияттан Сослан Багатовы кыайда.

Былырыыҥҥы чөмпүйэнээт кыттыылааҕа Олег Фомин (74 кг) үһүс миэстэ иһин киирсиигэ дагестанец Расул Хамоевы кытта киирсиигэ (3:1) кыайыылаах таҕыста. Оттон Харысхан Баппаҕай кыра финалга Москваттан эмир Муцольговы 5:3 ахсаанынан кыайары ситистэ.